საინტერესოა მოვისმინოთ პრემიერის ანგარიში, სად წავიდა და როგორ გაიხარჯა ის სახსრები, რომელსაც საკუთარ მოქალაქეებს პირდებოდა, - ასე გამოეხმაურა „ნაციონალური მოძრაობის“ თავმჯდომარის მოადგილე, სალომე სამადაშვილი 27 მაისს, პრემიერ-მინისტრ გიორგი გახარიას წარდგენას პარლამენტის წინაშე.

მისი თქმით, საინტერესო გავიგოთ როგორ აპირებს პრემიერი საერთაშორისო დახმარების უზრუნველყოფას, როცა საერთაშორისო პარტნიორები შესაბამისი პოლიტიკური გადაწყვეტილებების მიღებისკენ მოუწოდებენ.

„ძალიან საინტერესო იქნება მოისმინონ ბატონი გახარიას დეტალური გეგმები და დეტალური ანგარიში, სად წავიდა და როგორ გაიხარჯა ის სახსრები, რომელსაც პირდებოდა საკუთარ მოქალაქეებს დასახმარებლად. გავიგოთ როგორ აპირებს ბატონი გახარია, მათ შორის საერთაშორისო დახმარების უზრუნველყოფას მაშინ, როდესაც ჩვენ ვხედავთ, რომ ჩვენი საერთაშორისო პარტნიორები საქართველოს ხელისუფლებას მოუწოდებენ მიიღოს ის პოლიტიკური გადაწყვეტილებები, რომელიც შესაძლებელს გახდის სწორედ იმას, რომ ამ დახმარებებს გზა გაეხსნა“, - განაცხადა სალომე სამადაშვილმა.  

შეგახსნებთ, რომ 27 მაისს პრემიერ-მინისტრი გიორგი გახარია საკანონმდებლო ორგანოში ანგარიშით წარსდგება.

ავტორი: ექსპრესნიუსი,

სოციალური ქსელები

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია

კალაძე რუსთაველის პროტესტის მონაწილეებს: როდესაც უცხო ქვეყნის წარმომადგენლები საკუთარი ინტერესების გასატარებლად, სამშობლოს წინააღმდეგ გიყენებენ - ძალიან მძიმეა

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა

25 სექტემბრის მდგომარეობით, კახეთში გადამუშავებულია 60 ათასი ტონა ყურძენი