ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული 8 ახალი პაციენტიდან, 1-ის წყარო ბოლნისია, დანარჩენი კი საკარანტინე სივრციდანაა.

როგორც ეზუგბაიამ ჟურნალისტებთან საუბრისას აღნიშნა, ინფექციურ საავადმყოფოში გუშინ 11 ახალი შემთხვევა მიიღეს და ამჟამად, ინფექციურ საავადმყოფოში კოვიდინფიცირებული 36 პაციენტია.

„ამ ეტაპზე, კოვიდსტსციონარებში მკურნალობს 224 პაციენტი. გამოჯანმრთელებული პაციენტების რაოდენობა კვლავ აჭარბებს სტაციონარში მკურნალ პაციენტებს, 249 შემთხვევით.

ახალი 8 დადასტურებული შემთხვევებიდან ერთი არის ბოლნისის წყარო დანარჩენი არიან საკარანტინო სივრცეებიდან.

გუშინ ჩვენთან შემოვიდა 11 დადასტურებული შემთხვევა, წინა დღეების დადასტურებული შემთხვევების გადმოყვანა მოხდა ჩვენთან და აქედან, 8 შემთხვევა ბოლნისის რაიონი და სოფელი მუშევანია. დანარჩენი 3 შემთხვევა საკარანტინო სივრციდან არის გადმოყვანილი. ამ ეტაპზე, გვყავს 36 დადასტურებული შემთხვევა ჩვენ კლინიკაში“, - განაცხადა მარინა ეზუგბაიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.