ჰოლივუდის ოთხი ვარსკვლავი, რომელთა პირველი სამსახური მაკდონალდსი იყო

2020-05-19 11:54:54, 14499 ნახვა

Lifestyle

ჰოლივუდის ყველა ვარსკვლავს მსახიობთა დინასტიებთან კავშირი როდი აქვთ. ბევრ მსახიობს ოცნების მიღწევაში არავინ დახმარებია, წითელ ხალიჩამდე საკუთარი სისხლის და ოფლის ფასად გზა თავად გაიკვლიეს.
ისინი, ვისაც დღეს ტელეეკრანებზე ასე ხშირად ხედავთ ოდესღაც ჩვეულებრივი ადამიანები იყვნენ, ბევრი მიმტანად, კურიერად ან მეეზოვედ იწყებდა მუშაობას, მაგრამ აშშ-ში ახალგაზრდებს სამსახურში ყველაზე მარტივად სწრაფი კვების ინდუსტრიაში იღებენ და სწორედ აქ თავის კარიერას ჯეიმს ფრანკო, ჯენიფერ ენისტონი, ბრედ პიტი და ჯულია რობერტსი იწყებდნენ.

ჯეიმს ფრანკო "ოსკარის" და "ოქროს გლობუსის" პრემიების მფლობელი ოდესღაც მცირე ზომის "მაკდონალდს"-ში მუშაობდა. მსახიობს ეს არასოდეს დაუმალია და ერთხელ აღიარა, რომ "ის დრო ენატრება" და პირველ სამსახურს ხშირად სტუმრობს ხოლმე.

ჯენიფერ ენისტონი ჰოლივუდის ერთ-ერთი მაღალანაზღაურებადი მსახიობია. ენისტონმა განსაკუთრებული პოპულარობა ტელესერიალ "მეგობრები"-ს მერე მოიპოვა. ბევრმა არ იცის, რომ სტუდენტობის დროს ჯენიფერი სწავლის პარალელურად ორ სამსახურში მუშაობდა-გასართობ ცენტრში და "მაკდონალდს"-ში მიმტანად. მან ერთხელ აღიარა, რომ პოპულარობა სწორედ ამ გამოცდილებამ და შრომისადმი სიყვარულმა მოუტანა.

ბრედ პიტმა წინა ორისგან განსხვავებით, კავშირი სწრაფი კვების ობიექტთან დამალა და მხოლოდ ეხლახავს გახდა ცნობილი, რომ მსახიობი 80-იანებში "მაკდონალდსის" ერთ-ერთ ფილიალთან წიწილას კოსტუმში იდგა, რაც რესტორნის ერთ-ერთი საფირმო მარკეტინგული ხრიკი იყო.

ჯულია რობერტსი ძალიან ღარიბ ოჯახში იზრდებოდა, 16 წლის გოგონას "მაკდონალდსში" მუშაობაზე ორჯერ უარი სწორედ მისი ასაკის გამო უთხრეს, მაგრამ 17 წლის რომ გახდა ამერიკული ნაყინის "ბასკინ რობინსის" კაფეში მიიღეს. იქ ჯულია ლიმონათს 2 წლის მანძილზე ამზადებდა.