სამეგრელო-ზემო სვანეთის სახელმწიფო რწმუნებული ზუგდიდში სამეგრელოს ეპიდსიტუაციის შეფასებისას აცხადებს, რომ ამ ეტაპზე ქალაქის ჩაკეტვა არ განიხილება, რადგან ინფიცირებულების კონტაქტები მიკვლევადია. რწმუნებულის კომენტარს მისივე პრესსამსახური ავრცელებს. ალექსანდრე მოწერელიას განმარტებით ზომების გამკაცრება დღის წესრიგში მას შემდეგ დადგება, თუ იქნება შემთხვევა როცა კონტაქტების გამოკვლევა შეუძლებელი იქნება:

„ჩაიკეტება თუ არა, რთული სათქმელია, თუმცა თუ გავრცელება იქნება, ეს საკითხი დადგება დღის წესრიგში. მაგრამ დღეის მონაცემებით, ყველა ის ინფიცირებული, ვინც გვყავს რეგიონში, მნიშვნელოვანია ტრაილერის მძღოლის კლასტერი, ჯერჯერობით ყველა კონტაქტი პრაქტიკულად ჯერჯერობით, არის მიკვლევადი. შესაბამისად, ვინაიდან კონტატქები არის მიკვლევადი, ეს ადამიანები გადაგვყავს კარანტინში. თუ გვექნება ისეთი მოცემულობა, როგორიც გვქონდა სპორტსმენის შემთხვევაში, როდესაც ვერ დგინდებოდა კონტაქტები, მაშინ ზომების გამკაცრება დღის წესრიგში დადგება.

მძღოლის კლასტერს რომ დავუბრუნდეთ, 10 შემთხვევა გვაქვს დადასტურებული ამჟამად. მძღოლთან არის დაკავშირებული 6 შემთხვევა. რა თქმა უნდა, ყველა ის კონტაქტი, რომელიც ამ 6 ადამაინს ჰქონდა, გადის შემოწმებას. იქ, სადაც თვლიან მედიკოსები, რომ ეს ხალხი იქნენ გადაყვანილი ან კარანტინში, ან იზოლაციაში, ყველა ეს ღონისძიება ხორციელდება. ჯერჯერობით ეს კონტაქტები არის მიკვლევადი, რაც არის ძალიან მნიშვნელოვანი“, - განაცხადა რწმუნებულმა.

15 მაისს ზუგდიდში ტრაილერის მძღოლს კორონავირუსი დაუდასტურდა. 16 მაისს, კორონავირუსი დაუდასტურდა მის დედას და 2 შვილს. 17 მაისს მძღოლის კლასტერიდან კიდევ 3 პირს დაუდასტურდა ვირუსი.

ავტორი: ექსპრესნიუსი,

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.