2020-05-08 10:40:13, 6957 ნახვა

---

საგარეჯოსა და ბოჭორიშვილის კლინიკაში მომუშავე ექთანს, რომელსაც კორონავირუსი დაუდასტურდა, კვლევას ხელახლა ჩაუტარებენ

ბოჭორიშვილის კლინიკის სამეთვალყურეო საბჭოს ხელმძღვანელმა, მაკა სოლოღაშვილმა განაცხადა, რომ საგარეჯოსა და ბოჭორიშვილის კლინიკაში მომუშავე ექთანს, რომელსაც კორონავირუსი დაუდასტურდა, კვლევას ხელახლა ჩაუტარებენ.

მისივე თქმით, ყოველი შემთხვევისთვის მოძიებულია ყველა კონტაქტი.

„მედიკოსი, რომელიც საგარეჯოს კლინიკაშიც მუშაობს და ბოჭორიშვილის კლინიკაშიც, იმყოფება იზოლირებულად ბოქსირებულ სექტორში. ცოტა ხნის წინ გვქონდა ერთი პრეცედენტი და გვაქვს ახლა მეორეც, როცა მედიკოსების შეხედულებისამებრ ხდება გადამოწმება. გამოცხადებულ 66 პაციენტში ამჯერად არ  მოიაზრება ეს მედიკოსი. დღეს მოხდება მისი გადამოწმება ოქროს სტანდარტით. ამის შემდეგ გავაკეთებთ განცხადებას. ყოველი შემთხვევისთვის კონტაქტები მოძიებულია“, - განაცხადა მაკა სოლოღაშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი