საქართველოს პრემიერ-მინისტრი ირაკლი ღარიბაშვილი გაერო-ს გენერალურ ასამბლეაზე ორი დელეგაციის წასვლასთან დაკავშირებით გამოთქმულ მოსაზრებებს გაუგებარს და შეურაცხმყოფელს უწოდებს.
როგორც ღარიბაშვილმა ჟურნალისტებს განუცხადა, ის უცხოეთში საქმის საკეთებლად დადის და არა სამოგზაუროდ.
"ჩემთვის აბსოლუტურად გაუგებარია და არასერიოზულია, ვფიქრობ, შეურაცხმყოფელიც კია ჩვენი ხალხისთვის, ჩვენი ქვეყნსითვის, ჩვენ ყველას მოგვეთხოვება პასუხი ჩვენს ქმედებაზე.გაეროში, ნიუ- იორკშიც და ნებისმიერ სხვა ადგილშიც, სადაც მივდივარ, იქ მივდივარ საქმის გასაკეთებლად, იქ საქმეს ვაკეთებ, იქ სანახავად არ მივდივარ. პრემიერამდე ხშირად მიმოგზაურია ნიუ -იორკში და ეს არ არის ჩემთვის განსაკუთრებული ვიზიტი, მაგრამ როცა  სჭირდება სახელმწიფოსა და ჩვენს ქვეყანას, მე ყველგან წავალ და საქმეს გავაკეთებ. თუ ვინმეს აქვს სურვილი წავიდეს ნიუ-იორკში, ან სხვა ქვეყანაში, ეს მისი გადასაწყვეტი იქნება. ჩვენს საქმეს ვაკეთებთ. სხვა სპეკულაციებს კომენატრს არ გავაკეთებ",-განაცხადა ირაკლი ღარიბაშვილმა.
ცნობისთვის, სავარაუდოდ,  გაერო-ს გენერალურ ასამბლეას საქართველოდან ორი დელეგაცია დაესწრება. ერთი პრემიერ-მინისტრის ხელმძღვანელობით, მეორე კი- პრეზიდენტის.
საგარეო საქმეთა სამინისტრომ ორივე ვიზიტის მოსამზადებელი სამუშაოები დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის