„ჩვენ გვაქვს დღეს განსაკუთრებით მწვავე საჭიროება ოჯახის ექიმებისა და ექთნების, ამდენად უმუშევრობის რისკი არის პრაქტიკულად არარსებული“, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

გაბუნიამ აღნიშნა, რომ იმ 56 სამედიცინო დაწესებულებაში მომუშავე სამედიცინო პერსონალს, რომლებიც სახელმწიფო პროგრამით აღარ ისარგებლებენ, უმუშევრად დარჩენის საფრთხე არ ემუქრება.

„დღეს ამაზეც იყო რა თქმა უნდა საუბარი. პირველადი ჯანდაცვის საბჭოზე და მისმა წევრებმა დააყენეს საკითხი იმაზე კი არა, რომ ექიმები უმუშევრები დარჩნენ, არამედ იმაზე თუ თავად რამდენჯერმე ჰქონდათ წლის განმავლობაში ვაკანტური ადგილები გამოცხადებული და ვერ ახერხებდნენ დამატებითი ექიმებისა და ექთნების მოზიდვას. ანუ ჩვენს სისტემაში დღეს უფრო მწვავე პრობლემა გახლავთ ოჯახის ექიმებისა და ექთნების დეფიციტი, ვიდრე ექიმებისა და ექთნების სიჭარბე.

ის 56 დაწესებულება, რომელიც აღარ გააგრძელებენ პირველადი ჯანდაცვის სერვისის მიწოდებას არიან სპეციალიზებული ტიპის დაწესებულებები. ისინი გააგრძელებენ სხვა პროგრამის ან კერძო დაფინანსების ფარგლებში სერვისების მიწოდებას. იქ დასაქმებული ოჯახის ექიმების დიდი ნაწილისთვის ეს იყო მეორადი სამსახური.

ჩვენ გვაქვს დღეს განსაკუთრებით მწვავე საჭიროება ოჯახის ექიმებისა და ექთნების, ამდენად უმუშევრობის რისკი არის პრაქტიკულად არარსებული“, - განაცხადა თამარ გაბუნიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა