ჯანდაცვის მინისტრი - მთავრობის გადაწყვეტილებით, დღეში 1000-ზე მეტი PCR ტესტი ჩატარდება

2020-04-30 14:44:53, 9744 ნახვა

ომი უკრაინაში

დღიურ რეჟიმში, უკვე საქართველოში ჩატარდება 1000-ზე მეტი PCR ტესტირება, - ამის შესახებ ჯანდაცვის მინისტრმა, ეკატერინე ტიკარაძემ განაცხადა.

მისივე თქმით, აღნიშნული ტესტების ჩატარების საშუალება ქვეყანაში არის.

„საქართველოს დღესდღეისობით გააჩნია მსოფლიოში ერთ-ერთი წამყვანი პოზიცია იმასთან დაკავშირებით, თუ როგორ ვმართავთ ჩვენ კოვიდინფექციის გავრცელებას და შემდეგში მის მკურნალობასაც. აქედან გამომდინარე, ჩვენ არ მივიჩნევთ ხარვეზად, რომ ჩვენი ტესტირება არის მიზნობრივი, თუმცა დღევანდელი მსჯელობის შედეგად მივიღეთ გადაწყვეტილება, რომ დღიურ რეჟიმში, უკვე საქართველოში ჩატარდება 1000-ზე მეტი PCR ტესტი, ამის საშუალება ქვეყანაში არის და სწორედ იმ რისკჯგუფებში, იმ გაიდლაინის მიხედვით, რომელიც დღეს დამტკიცდება საბჭოს მხრიდან იქნება ეს ტესტირება უფრო გაფართოვებული“, - განაცხადა ეკატერინე ტიკარაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან