თსსუ-ს პირველი საუნივერსიტეტო კლინიკის დირექტორის, ლევან რატიანის განცხადებით,  კორონავირუსით ინფიცირებული 82 წლის მძიმე პაციენტი ხელოვნური სუნთქვის აპარატიდან მოიხსნა და მისი მდგომარეობა კონტაქტურია.

მისი თქმით, ქალს 30 წელია შაქრიანი დიაბეტი აქვს და ინსულინოთერაპიაზე იმყოფება.

„82 წლის ქალბატონი, რომელსაც აქვს შაქრიანი დიაბეტი, ორივე ქვემო კიდურის ამპუტაცია, მიკროანგიოპათიის გამო გართულებული პრობლემები, მოიხსნა აპარატიდან და არის კონტაქტური, ადეკვატური, სუნთქვის პარამეტრები არის სტაბილური. რჩება ოქსიგენდამოკიდებული.

ეს მაგალითი რატომ მოვიყვანე - ამ ქალბატონს, 30 წელია, აქვს შაქრიანი დიაბეტი, იმყოფება ინსულინოთერაპიაზე, ეს არის კიდევ ერთი მაგალითი, რომ შაქრიანი დიაბეტი, გართულებული სხვადასხვა ფორმით, არ წარმოადგენს მაღალი ლეტალობის ინდექსს.

როგორც კი ეს ვირუსი გაჩნდა სამყაროში, რატომღაც ყველამ ერთად, ვინაიდან ახალი იყო და ჰქონდა მაღალი ლეტალობა, დავარქვით მკვლელი ვირუსი, მაგრამ ვირუსის ამ ფუნქციამ განიცადა ლიკვიდაცია. ეს არის კიდევ ერთი მაგალითი იმასთან დაკავშირებით, რომ გართულებულ შემთხვევაში, როდესაც გვაქვს პოლიორგანული უკმარისობა, არ წარმოადგენს მაღალი ლეტალობის ინდექსის მანიშნებელს“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს