2020-04-29 11:12:28, 1723 ნახვა
რეგიონი
სამდღიანი ძებნის შემდეგ, 80 წლის მამაკაცი მდინარე ალაზანში დამხრჩვალი იპოვეს
სამდღიანი ძებნის შემდეგ 80 წლის მამაკაცი მდინარე ალაზანში დამხრჩვალი იპოვეს.
თელავის სოფელ გულგულაში მცხოვრები ალექსანდრე ოხანაშვილის ცხედარს მაშველებმა და მყვინთავებმა დღეს დილით მიაკვლიეს.
ადგილობრივი მოსახლეობის განცხადებით, მამაკაცი სოფლის ნახირს მწყემსავდა. საღამოს კი, როდესაც სახლში არ დაბრუნდა, ოჯახმა პოლიციას აცნობა.
დაკარგული მოქალაქის ტანსაცმელი ნაპოვნი იყო მდინარე ალაზნის ნაპირზე. საძიებო სამუშაოები მიმდინარეობდა როგორც წყალში, ასევე, მდინარის სანაპირო ზოლზე.
როგორც "ექსპრესნიუსს" შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
ავტორი: ექსპრესნიუსი,
epn.ge (@expressnews.ge)
