"საქართველოში  ბიზნესი ხელშეუხებელია და ბიზნეს მეგობრული  გარემოა",-ამის შესახებ საქართველოს პრემიერ-მინისტრმა ირაკლი ღარიბაშვილმა საქართველო-ლიტვის  ბიზნესფორუმზე სიტყვით გამოსვლისას განაცხადა.

ღარიბაშვილმა საქართველო-ლიტვას შორის სავაჭრო-ეკონომიკური ურთიერთობების გაღრმავებაზე გაამახვილა ყურადღება. პრემიერის თქმით, ბიზნესმენებს რეგიონში პროდუქტების საბაჟო ტარიფების გარეშე ტრანსპორტირებისთვის, საქართველოს  დიდი სატრანზიტო პოტენციალის გამოყენება  შეუძლიათ.

"ვინაიდან გვაქვს ჩვენ მეგობრული ურთიერთობები და  ყველა მიმართულებით მჭიდრო თანამშრომლობა, ეს ორმაგად ხელს შეუწყობს ლიტვიდან და მეგობარი სახელმწიფოებიდან ინვესტიციების მოზიდვას, აქ  არის ბიზნესის ხელშეუხებლობა. და საქართველოში არის ძალიან ბიზნეს-მეგობრული  გარემო. შესანიშნავი დინამიკა და უზარმაზარი პოტენციალი გვაქვს პირდაპირი უცხოური ინვესტიციების მოზიდვის კუთხით, ისეთ სფეროებში,  როგორიცაა ენერგეტიკა,  წარმოება,  ლოჯისტიკა, ტურიზმი და ა.შ. ბოლო დროს შეიმჩნევა ტენდენცია, რომ მწარმოებლები, რომლებიც ეძებენ უსაფრთხო და ხელსაყრელ გარემოს, საწარმოების დაარსებას საქართველოში ამჯობინებენ იმის გამო, რომ მათ შეუძლიათ გამოიყენონ ჩვენი დიდი სატრანზიტო პოტენციალი, რეგიონში პროდუქტების ტრანსპორტირებისთვის, საბაჟო ტარიფების გარეშე. ჩვენი მთავრობისთვის ლიტვასთან ეკონომიკური თანამშრომლობის გაღრმავებას ძალიან დიდი მნიშვნელობა აქვს. ჩვენ მივესალმებით ლიტველ ინვესტორებს",-განაცხადა ირაკლი ღარიბაშვილმა.

დღესვე, საქართველო-ლიტვას შორის ორმხრივი ეკონომიკური თანამშრომლობის შესახებ შეთანხმებას მოეწერა ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში