საქართველოს პრემიერ-მინისტრის, გიორგი გახარიას განცხადებით, საქართველოს ყოფილი პრეზიდენტის, მიხეილ სააკაშვილის უკრაინის ვიცე პრემიერად დანიშვნა კატეგორიულად მიუღებელია და ამას საქართველოს მხრიდან შესაბამისი რეაქცია მოჰყვება.

მან ასევე განაცხადა, რომ უკრაინის ელჩი ამ დროისთვის არ გამოუწვევია საქართველოს, თუმცა მიხეილ სააკაშვილის ვიცე პრემიერად დაიშვნის შემთხვევაში, საქართველო მინიმუმ კონსულტაციისთვის გამოიწვევს მას.

„უკრაინელი ხალხი ჩვენთვის მოძმე ხალხია, უკრაინის სახელმწიფო არის ჩვენი სტრატეგიული პარტნიორი და ამას გრძელვადიან პერსპექტივაში ვერ შეცვლის ვერაფერი, ვერანაირი ვიწრო პოლიტიკური კონიუქტურა, თუმცა სტრატეგიული პარტნიორის მიერ, საქართველოში მძიმე დანაშაულებისთვის უკვე გასამართლებული, მისჯილი და ძებნილი ადამიანის ვიცე პრემიერად დანიშვნა ჩვენთვის კატეგორიულად მიუღებელია, ისევე როგორც მიუღებელია ჩემი ქვეყნის პრეზიდენტის, რომელიმე რესტორანში თმებით თრევა და მონმონისტურ პოლიციის სახით იქიდან გამოყვანა. თუმცა რა თქმა უნდა მსგავს ნაბიჯს საქართველოს მხრიდან შესაბამისი რეაქცია მოჰყვება. ჩვენ ჯერ ელჩი არ გამოგვიწვევია და როგორც კი ეს გადაწყვეტილება იქნება მიღებული, ჩვენ როგორც მინიმუმ კონსულტაციების მიზნით გამოვიწვევთ მას“, - განაცხადა გახარიამ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა