პირველი საუნივერსიტეტო კლინიკის დირექტორის, ლევან რატიანის განცხადებით, დღეს რამდენიმე საათში კლინიკას 8 გამოჯანმრთელებული პაციენტი დატოვებს.

მან ასევე აღნიშნა, რომ 17 პაციენტის განმეორებით ტესტირების პასუხს ელოდებიან და კვლავ უარყოფითი პასუხის შემთხვევაში ხვალ 17 პაციენტი გაეწერება.

„8 ინფიცირებული პაციენტი ეწერება დღეს კლინიკიდან, ანუ ბოლო 24 საათში რაც ყველაზე მეტად გვახარებს, რადგან ამდენი პაციენტი ერთად არ გაგვიწერია დღემდე. ასევე პირველადი უარყოფითი პასუხები მოსულია დაახლოებით 17 და ველოდებით განმეორებით ტესტირების პასუხებს და თუ ხვალ ამ 17 პაციენტზეც უარყოფითი პასუხი მოვიდა 17-ვე დატოვებს ხვალ კლინიკას.

რეანიმაციაში 8 პაციენტი გვყავს, აქედან 7 მართვით სუნთქვაზეა. პაციენტი, რომელიც 67 წლის მამაკაცია კლინიკაში 20 დღის წინ მოვიდა და მისი მდგომარეობა კვლავ კრიტიკული რჩება. მისი მდგომარეობის სიმძიმე, გარდა კორონავირუსისა გამოწვეულია მიმდინარე პოლიორგანული უკმარისობით, ფილტვ-გულის უკმარისობა,  მძიმე სეფსისი, სეპტიური შოკი, ფილტვის მწვავე დაზიანების სინდრომი, თირკმლის მწვავე უკმარისობა, მკურნალობას ვაგრძელებთ და ვანხოთ რა შედეგს მივიღებთ“, - განაცხადა ლევან რატიანმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს