რესპუბლიკურ საავადმყოფოში კორონავირუსით ინფიცირებული პაციენტების რიცხვი 29-მდე გაიზარდა, - ამის შესახებ საავადმყოფოს დირექტორმა, ლევან გოფოძემ განაცხადა.

როგორც მან ჟურნალისტებთან საუბრისას აღნიშნა, კოვიდინფექციით ინფიცირებული 29 პაციენტიდან, 2 კლინიკა „თიმის“ მედიკოსია.

„რესპუბლიკურ საავადმყოფოში დაკვირვების ქვეშ 69 პაციენტი იმყოფება, აქედან 29 პაციენტს დადასტურებული აქვს კოვიდინფექცია, დანარჩენ პაციენტები არიან კვლევის ფაზაში, ზოგი ცოტახანში დატოვებს კლინიკას, ის ადამიანები ვისაც არ დაუდასტურდა კორონავირუსი, ნეგატიური ტესტი აქვთ და ამ ნეგატიური ტესტების საფუძველზე ნაწილი საკარანტინო ზონაში გადავა, ნაწილი კი სხვა კლინიკებში, რათა იქ განაგრძონ მკურნალობა.

ჩვენს კლინიკაში არიან კოვიდ-19-ით ინფიცირებული მედიკოსები, 2 მედიკოსია, კლინიკა „თიმის“,  რაც შეეხება ჩვენს პერსონალს, ყველას ტესტირება ნეგატიურია, შესაბამისად რესპუბლიკურ საავადმყოფოს ინფიცირებული მედიკოსი არ ჰყავს“, - განაცხადა ლევან გოფოძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს

საქართველოს ბანკის Student Card-ისა და sCool Card-ის მფლობელები ქუთაისში ტრანსპორტზე შეღავათიანი ტარიფით ისარგებლებენ