რუსეთის მიერ მიღებულ დამატებით ემბარგოს სიაში საქართველო არ მოხვდა

2015-08-13 15:34:28, 425 ნახვა

პოლიტიკა

რუსეთმა დამატებით რამდენიმე ქვეყანას პროდუქციაზე ემბარგო დაუწესა. რუსეთის პრემიერ-მინისტრმა დიმიტრი მედვედევმა ხელი მოაწერა პროდუქციაზე ემბარგოს გაფართოების შესახებ ბრძანებას იმ ქვეყნებისთვის, რომლებიც ფედერაციის წინააღმდეგ სანქციებს მხარს უჭერენ.

იმ ქვეყნების ჩამონათვალში, რომლებზეც რუსეთი ემბარგოს დასაწესებლად ემზადებოდა, საქართვველოც სახელდებოდა, თუმცა ფედერაციცის პრემიერის მიერ დღეს დასახელებული ქვეყნებში საქართველო არ მოხვდა.

შეზღუდვები გავრცელდა ალბანეთზე, მონტენეგროზე, ისლანდიასა და ლიხტენშტეინზე. „განსაკუთრებული პირობებით“ აღნიშნულ სიაშია უკრაინაც - მასზე ემბარგო იმ შემთხვევაში გავრცელდება, თუ ევროკავშირთან ასოცირების ხელშეკრულება ძალაში შევა „სხვა ქვეყნების მხრიდან სანქციების მხარდაჭერა ნიშნავდა, რომ ისინი მზად იყვნენ რუსეთისგან საპასუხო ზომებისათვის“, - განაცხადა დიმიტრი მედვედევმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან