საქართველოს იუსტიციის სამინისტროს სერვისების განვითარების სააგენტოსა და  იუსტიციის სამინისტროს სასწავლო ცენტრის ერთობლივი ინიციატივის ფარგლებში 29 ივლისს სოფელ ღორეშას საზოგადოებრივ ცენტრში უფასო ტრენინგები ჩატარდა.

სერვისების განვითარების სააგენტოს ინფორმაციით, პროექტის მიზანი ახალგაზრდების პროფესიული განვითარებისა და დასაქმების ხელშეწყობაა. პროექტის მეშვეობით ახალგაზრდებმა დასაქმებისათვის საჭირო ინფორმაცია და რეკომენდაციები მიიღეს, რაც დაეხმარებათ  იმ საჭირო უნარებს განვითარებაში, რომლებიც მათ მიზნების მიღწევასა და მომავალი კარიერის უკეთ დაგეგმვაში დაეხმარებათ.

„ტრენინგებში მონაწილეობას ის ახალგაზრდები იღებდნენ, რომლებმაც რეგისტრაცია 25 ივნისამდე გაიარეს და ტრენინგზე დასასწრები, შევსებული სარეგისტრაციო ფორმა წარადგინეს. ტრენინგის ფარგლებში მონაწილეებმა შეიძინეს ცოდნა სამი მოდულის მიმართულებით: სამსახურის მოძიება, რეზიუმესა და სამოტივაციო წერილის შემუშავება, გასაუბრების უნარები და თვითპრეზენტაცია.  საქართველოს იუსტიციის სამინისტროსთვის მნიშვნელოვანია, ხელი შეუწყოს სამოქალაქო საზოგადოების ჩამოყალიბებას.  ამ მხრივ, განსაკუთრებით პრიორიტეტულია ადგილობრივი თვითმმართველობების გაძლიერება, მოსახლეობის  განათლებისა და ცნობიერების ამაღლების გზით“, - განაცხადა სახელმწიფო სერვისების განვითარების სააგენტოს თავმჯდომარემ შიო ხეცურიანმა.

საზოგადოებრივი ცენტრების განვითარების ინიციატივა  პროექტის „ელექტრონული მმართველობის დანერგვა ადგილობრივ თვითმმართველობებში II” ფარგლებში ხორციელდება, რომელსაც სერვისების განვითარების სააგენტო ევროკავშირის დაფინანსებით ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს