„ევროპული საქარტველოს“ ლიდერი დავით ბაქრაძე გამოეხმაურა სავალუტო ფონდის მიერ გავრცელებულ ინფორმაცია, რომლის თანახმადაც კორონავირუსის გამო სამსახურის გარეშე დარჩენილ მოსახლეობას, რომელიც საშემოსავლოს იხდის, მთავრობა 6 თვის განმავლობაში 150 ლარიან დახმარებას გადასცემს.

ბაქრაძის თქმით, ეს დახმარება არაადეკვატურია, რადგან არ გულისხმობს იმ ადამიანების დახმარებას, ვისაც სახელმწიფოსგან ფინანსური დახმარება ყველაზე მეტად სჭირდება.

„სახელფასო დახმარების გაწევა არის სწორი მიმართულებით გადადგმული ნაბიჯი, მაგრამ შექმნილ კრიზისულ ვითარებაში 150 ლარიანი კომპენსაცია ვერ ჩაითვლება ადეკვატურ ანაზღაურებად რამდენიმე მიზეზის გამო. პირველი,  საქართველოში შრომისუნარიან მამაკაცზე საარსებო მინიმუმი გახლავთ 199 ლარი. მეორე მიზეზი გახლავთ ის, რომ ეს კონპენსაცია არ ითვალისწინებს მოსახლეობის ყველაზე გაჭირვებულ ფენებს მათ შორის თვითდასაქმებულებს, განსაკუთრეით სოფლებში თვითდასაქმებულებს, სოციალურად დაუცველებს, პენსიონერებს, ანუ იმ ხალხს, ვისაც ყველაზე მეტად სჭირდება დღეს სახელმწიფოსგან ფინანსური დახმარება“, - განაცხადა დავით ბაქრაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა