2020-04-13 20:39:07, 1456 ნახვა

---

გიორგი ვაშაძე - თქვენ გინდათ, რომ მრევლის უსაფრთხოებიდან გამომდინარე აქტივობა ეკლესიასთან ბრძოლად გაასაღოთ, რაც არ გამოგივათ!

„თქვენ ფიქრობთ, რომ   ჩვენ, ის ადამიანები, ვინც მკაფიოდ ვაფიქსირებთ საკუთარ პოზიციას წირვა-ლოცვასთან და სააღდგომო ლიტურგიასთან დაკავშირებით გინდათ, რომ გაგვასაღოთ ვითომ ჩვენ ვებრძვით ქრისტიანულ სარწმუნოებას და ეკლესიას?! - ეს ასე არ არის!“, – ამის შესახებ, პარტია „ახალი საქართველოს“ თავმჯდომარემ გიორგი ვაშაძემ განაცხადა.

იგი თვლის, რომ მძიმე ეპიდსიტუაციიდან გამომდინარე აუცილებელია ხელისუფლებამ მიიღოს საზოგადოების უსაფრთხოების დასაცავად შესაბამისი გადაწყვეტილებები, რადგან ახლა არ არის  პოლიტიკური დივიდენდების დაწერის დრო.

„მე ძალიან კარგად მესმის თქვენი პოლიტიკური ზრახვები პირველი, რომ თქვენ ფიქრობთ, რომ   ჩვენ, ის ადამიანები, ვინც მკაფიოდ ვაფიქსირებთ საკუთარ პოზიციას წირვა-ლოცვასთან და სააღდგომო ლიტურგიასთან დაკავშირებით გინდათ, რომ გაგვასაღოთ ვითომ ჩვენ ვებრძვით ქრისტიანულ სარწმუნოებას და ეკლესიას. ეს ასე არ არის! უბრალოდ ჩვენ ვიაზრებთ პასუხისმგებლობას და ვსაუბრობთ ამის შესახებ.

ჩვენ ვიმყოფებით საგანგებო  ვითარებაში. გამოდით და კონკრეტულად თქვით მთელი კვირის მანძილზე ჩვენი მოქმედების წესი როგორი და რანაირი უნდა იყოს. დღეს პოლიტიკური დივიდენდების დაწერის დრო არ არის. ჩვენ ყველანი ერთად ვებრძვით ეპიდემიას და განსაკუთრებით ხელისუფლებას აქვს დიდი პასუხისმგებლობა. მე რაც არ უნდა მოვუწოდო და ვთქვა ან ცალკეულმა ადამიანებმა ჩვენ არ გვაქვს ამ მოწოდების აღსრულების მექანიზმი, ეს მექანიზმი თქვენს ხელშია“, - განაცხადა გიორგი ვაშაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი