საგარეო საქმეთა მინისტრის, დავით ზალკალიანის განცხადებით, საგანგებო რეისებით სამშობლოში დაბრუნება, გარკვეული კრიტერიუმების მიხედვით ხდება.

მისი თქმით, სახელმწიფოს დანიშნული რეისით პირველ რიგში ისარგებლებენ ის პირები, რომლებიც ფლობდნენ საქართველოში დასაბრუნებელ ბილეთებს, პირები მძიმე ჯანმრთელობის მდგომარეობით, ორსულები, ხანდაზმულები, ოჯახები მცირე წლოვანი ბავშვებით, სტიპენდია შეჩერებული სტუდენტები, თავშესაფრის გარეშე დარცენილი პირები და პირები, რომლებიც პირველადი საჭიროების შესაძლებლობის გარეშე დარჩნენ დროებით ადგილსამყოფელ ქვეყანაში.

„გარდა ამისა, მინდა ავღნიშნო, რომ ჩვენ ვხელმძღვანელობდით გარკვეული კრიტერიუმებით საქართველოს მოქალაქეების დაბრუნების კუთხით.

 ამ კრიტერიუმებით ხელმძღვანელობა გაგრძელდება მომავალშიც და გარკვეული უპირატესობა მიენიჭება პირველ რიგში იმ მოქალაქეებს, რომლებიც ფლობდნენ საქართველოში დასაბრუნებელ ბილეთებს და ასევე დაწესებული შეზღუდვის გამო ვერ შეძლეს უკან დაბრუნება, ასევე ჯანმრთელობის მძიმე მდგომაერობის მქონე პირებს, ორსულ ქალბატონებს, ხანდაზმულებს, ოჯახებს მცირე წლოვანი ბავშვებით, სტუდენტებს ვისაც შეუწყდათ სტიპენდია და დაფინანსება, პირებს, რომლებიც  ადგილსამყოფელ ქვეყანაში კოვიდ-19-ის გავრცელების გამო დარჩნენ თავშესაფრის და პირველადი საჭიროების შესაძლებლობის გარეშე და ასევე პირებს, რომლებიც პირად საკუთრებაში ან საქართველოში ჩამოსაყვანად შეძენილი არსებული ავტო-სატრანსპორტო საშუალებით მიემგზავრებოდნენ და სახმელეთო საზღვრების ჩაკეტვის გამო ვერ ახერხებდნენ გადაადგილებას.

 ეს არის ის კრიტერიუმები, რომლითაც ჩვენ ვხელმძღვანელობდით მოქალაქეების სამშობლოში დაბრუნებისას და ეს კრიტერიუმები იქნება ასევე მომავალშიც დარჩენილ გამოცხადებულ ფრენებზე სახელმძღვანელოდ“, - განაცხადა ზალკალიანმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა