მოხდა ის, რაც საზოგადოებამ ისედაც კარგად იცოდა, სასამართლომ დაადასტურა ოქრუაშვილის პარლამენტში ძალადობრივად შეჭრის მცდელობა, - ასე ეხმაურება საპარლამენტო უმრავლესობის წევრი დავით მათიკაშვილი ირაკლი ოქრუაშვილისათვის გამოტანილ სასამართლო განაჩენს.

მისი თქმით, პოლიტიკა არ ერეოდა და არც არასდროს ჩაერევა მართლმსაჯულების საქმეში.

„დღეს მოხდა ის, რაც საზოგადოებამ ისედაც კარგად იცოდა. დღეს სასამართლომ დაუდასტურა ირაკლი ოქრუაშვილს საქართველოს პარლამენტში ძალადობრივად შეჭრის მცდელობა. ის, რაზეც ჩვენ არაერთხელ გვისაუბრია. რა თქმა უნდა, არსებობს ასეთი შეთანხმება, რომ პოლიტიკა არ უნდა ერეოდეს მართლმსაჯულების საქმეში და სწორედ, ამ შეთანხმების დაცვა ხდება ჩვენი მხრიდან, რადგან არც აქამდე, არც დღეს და არც ამის შემდეგ, პოლიტიკა არ ერეოდა და არ ჩაერევა მართლმსაჯულების საქმეში, ხოლო ის, რა გადაწყვეტილებაც სასამართლომ მიიღო, ეს ჩვენი საზოგადოებისთვის ისედაც კარგად არის ცნობილი, უბრალოდ ამის სასამართლო წესით დადასტურება მოხდა“, - განაცხადა დავით მათიკაშვილმა.

ცნობისთვის, თავდაცვის ყოფილ მინისტრს ირაკლი ოქრუაშვილს 20-21 ივნისის საქმეზე 5 წლიანი პატიმრობა მიუსაჯეს.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა