თბილისში, "დინამო არენაზე" დღეს სუპერთასის გათამაშება გაიმართება. 

უეფა-ს სუპერთასის მატჩში ერთმანეთს "ბარსელონა" და "სევილია" დაუპირისპირდებიან.

უეფა-ს სუპერთასის მატჩის დაწყებამდე, "დინამო არენაზე" შეხვედრის გახსნითი საზეიმო ღონისძიებები გაიმართება.

უეფა-ს ინფორმაციით,  გახსნის ცერემონია ქართული ხალხური ცეკვით დაიწყება. ამის შემდეგ ორივე გუნდი გამოვა მინდორზე და შესრულდება უეფა-ს სუპერ თასის ჰიმნი. ამასთან, ცერემონიაზე ცოცხალი ჯაჭვი შეიკვრება, 1000 ბავშვის, ფეხბუთელების, მსაჯებისგან და სხვა პირებისგან შემდგარი. 

გახსნის ღონისძიებაზე ასევე წარსდგება ცეკვის ანსამბლი "ერისიონი", რომელიც წელს  130 წლის იუბილეს აღნიშნავს. წარმოდგენაში დაახლოებით 200 ადამიანი მიიღებს მონაწილეობას - მოცეკვავეები, მოზარდები და ბავშვები. 

ამასთან, გახსნის ცერემონიაზე მოზარდები მოედანზე შემოიტანენ უზარმაზარ დროშებს უეფა-ს ევროპა ლიგისა და უეფას ჩემპიონთა ლიგის თასების და უეფას სუპერ თასის ლოგოს გამოსახულებით, ასევე სამგანზომილებიანი ფორმატის ასოებით დაწერილ გუნდების სახელებს და დევიზს "ფეხბურთი მშვიდობისთვის გვაერთიანებს".

უეფა-ს სუპერთასის მატჩის შეხვედრა "დინამო არენაზე" თბილისის დროით 22:45 საათზე გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს