ქვემო ქართლის რწმუნებულის, შოთა რეხვიაშვილის თქმით, კორონავირუსის ფაქტი იმ ქალის ოჯახში დადასტურდა, რომელიც ბანკის კონტაქტს წარმოადგენს.

მისი თქმით, ანალიზების ჩასატარებლად გადაყვანილია მათი საჯარო მოხელის მეუღლე და ორი ბავშვი.

„დადასტურდა, რომ ქალბატონთან, რომელიც ბანკის კონტაქტიდან მომდინარეობს, მის ოჯახში დაფიქსირდა მეუღლესთან და შვილთან კორონავირუსის ფაქტი. ოჯახიდან ასევე გადაყვანილი არიან ჩვენი საჯარო მოხელის მეუღლე და ორი ბავშვი. მათ დღეს ჩაუტარდებათ ანალიზები და ალბათ, დღესვე იქნება შესაბამისი პასუხები. როგორც ვიცი, მეუღლეს სიცხე აქვს. შვილებს არ აქვთ სიცხე, მაგრამ მიუხედავად ამისა, მაინც გადაყვანილნი არიან და არიან იზოლირებულები. ამ კონტაქტებიდან და ფაქტებიდან გამომდინარე გუშინ, პრაქტიკულად 90% წრის, სადაც შესაძლო რისკებია და კომუნიკაციების შესაძლებლობები იყო შესწავლილია და თვითიზოლაციის მკაცრ რეჟიმზე არიან ადამიანები. მათ შორის, იყო კომპანია „მაგთის“ სერვისის მოთხოვნა. მათგანაც 2 ადამიანი თვითიზოლაციაშია. ერთი კი საკარანტინე სივრცეში“, - განაცხადა რეხვიაშვილმა.

როგორც მან აღნიშნა, ჯერჯერობით სიტუაცია კონტოლირებადია და პროცესის ხელიდან გაქცევის შემთხვევა არ დაფიქსირებულა.

„ჩვენი საკარანტინე სივრციდან წავიდნენ ადამიანები და დაახლოებით, 50-დან 60 ადგილამდე გვაქვს შესაძლებლობა, იმ შემთხვევისთვის თუ საჭიროება იქნება გავამკაცროთ რეჟიმი და აქვე საკარანტინო დაკვირვება იყოს. პოლიციას აქვს მითითებები, ისინი მკაცრად აკონტროლებენ თვითიზოლაციის რეჟიმს და შესაბამისი კამერებიდან, გარე კონტაქტებიდან კიდევ გვაქვს მოკვლევა იმათი, ვინც შეიძლებოდა ყოფილიყო კონტაქტში ამ ფაქტთან, მათ შორის პირველ ფაქტთან, რომელიც არის ქალბატონი და რომელიც არის მარტოხელა. მას არ აქვს კომუნიკაცია და სადაც იყო ასეთი რისკები შესწავლილია ყველაფერი. ჯერჯერობით რაიმე ისეთი პროგნოზი, რომ ხელიდან გაგვექცა პროცესი არ არის. ყველაფერი მართვადია, არა არსი საჭიროება დამატებითი მკაცრი ზომების მიღების“, - განაცხადა შოთა რეხვიაშვილმა.

ავტორი: ექსპრესნიუსი,

სოციალური ქსელები

მზია ამაღლობელმა საკუთარი პრინციპულობითა და შეუპოვრობით კიდევ ერთხელ გააშიშვლა ოცნების ავტორიტარული სისტემის რეალური სახე -მედიის ადვოკატირების კოალიცია

მდინარე ხობისწყალში დედა-შვილი დაიხრჩო

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს