თსსუ-ს პირველი საუნივერსიტეტო კლინიკის დირექტორის, ლევან რატიანის  ინფორმაციით, კლინიკაში კორონავირუსით ინფიცირებული სამი პაციენტის მდგომარეობა მკვეთრად გაუმჯობესებულია და განმეორებით ტესტირებაზე უარყოფითი პასუხის შემთხვევაში კლინიკას დატოვებენ.

მისივე თქმით, კლინიკაში მოთავსებული პაციენტიდან რამდენიმეს მდგომარეობა მძიმეა, მათ შორის არიან ახალშობილებიც.

„ამ ეტაპზე სულ კლინიკაში 67 პაციენტი წევს. აქედან 17 არის ინფიცირებული კორონავირუსით, ხოლო დანარჩენი 50 არის საეჭვო შემთხვევა. მსოფლიო ჯანდაცვის ორგანიზაციამ ამოაგდო ცნება მოგზაურობის და აქედან გამომდინარე, ყველა მათგანს ჩვენს კლინიკაში შემოსვლისთანავე, აქვთ თუ არ აქვთ მოგზაურობის ისტორია, ან ამნეზი, ცხელება ან სხვა, ექვემდებარება კორონავირუსის გამოკვლევას. გვყავს რამდენიმე კრიტიკული პაციენტი, რომელთა მდგომარეობაც ამ ეტაპზე მძიმეა.

რაც შეეხება ახალშობილებს, გვყავს რამდენიმე ახალშობილი, რომელთა მდგომარეობა მძიმეა, მაგრამ ამ ეტაპზე მართვადია. სამი ინფიცირებულის მდგომარეობა მკვეთრად გაუმჯობესებულია. ამ დღეებში გავაგზავნით განმეორებით ტესტებს კორონავირუსზე და თუ მოვიდა ამჯერადაც უარყოფითი პასუხი, რამდენიმე დღეში დატოვებენ კლინიკას“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს