თინა ხიდაშელი საქართველოში ნატო–ს საწვრთნელი ცენტრის გახსნაზე რუსეთისგან გართულებებს არ ელოდება

2015-08-09 14:13:10, 612 ნახვა

პოლიტიკა

თავდაცვის მინისტრი თინა ხიდაშელი, საქართველოში ნატო–ს საწვრთნელი ცენტრის გახსნაზე და ასევე ნატო–ს გენერალური მდივნის ვიზიტის დროს, რუსეთის მხრიდან გართულებებს არ ელოდება.

როგორც მან „მოამბესთან“ საუბარში განაცხადა, რუსეთის პრეზიდენტი ასეთი ტპის შეცდომებს არ უშვებს.

„მე არ ველოდები რაიმე განსაკუთრებულ გართულებებს საწვრთნელი ცენტრის გახსნის დორს, ან გენერალური მდივნის საქართველოში ვიზიტის დროს. რადგან ყველაზე დიდი გარანტია, საქართველოს უსაფრთხოების, არის სწორედ ის დღეები და ის მომენტი, როდესაც ასეთი მაღალი რანგის დელეგაციები იმყოფება ქვეყანაში. პრეზიდენტი პუტინი ბევრ შეცდომას უშვებს, მაგრამ ამ ტიპის შეცდომებს არ უშვებს, რომ ქვეყანაშ ასეთი მაღალი დონის ვიზიტის დროს, მოიმოქმედოს ისეთი რამ, რომელიც საბოლოო ჯამში შესაძლოა, მისი საბრალდებო სკამზე გაგზავნის საფუძველი გახდეს“, – აღნიშნა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან