სოზარ სუბარი - მარნეულში შექმნილია ექიმების ჯგუფი რომლებიც ადგილზე ამოწმებენ მოქალაქეებს

2020-03-23 14:03:51, 7044 ნახვა

ომი უკრაინაში

რეგიონული განვითარების საკითხში პრემიერ-მინისრის მრჩეველმა, სოზარ სუბარმა მარნეულში, ექიმებისგან შექმნილ მოხალისეთა ჯგუფზე ისაუბრა.
მისი თქმით, ყველა ცხელ წერტილში ექიმები ადგილზევე გასინჯავენ პაციენტებს, სინფტომების აღმოჩენის შემთხვევაში კი სწრაფ ტესტებს ჩაუტარებენ. დადებითი პასუხის შემთხვევაში პაციენტებს საავადმყოფოში აგდაიყვანენ.
"ყოველ წუთიერი კონტაქტი გვაქვს მარნეულთან, შექმნილია ადგილზე სამუშაო შტაბი. პირველი დღეა და ბუნებრივია გაუგებრობები ბევრია მოსახლეობაში.,თუმცა შემიძლია ვთქვა, რომ მოსახლეობა გაგებით შეხვდა ამ სიტუაციას, მათ კარგად იციან, რომ ეს არის მათი ჯანმრთელობისთვის და სიტუაცია დაძაბულობის გარეშე მიმდინარეობს.
არის შემთხევევბი, როდესაც მოქალაქეები სხვა მუნიციპალიტეტებიდან არიან, ისინი იქ შემთხვევით მოხვდნენ და ითხოვენ გამოყვანას. მათ ვაფრთხილებთ, რომ ამ შემთვევაში კარანტინში მოუწევთ ყოფნა და სხვაგავარად ვერ დატოვებენ ტერიტორიას. მუშაობს ყველა სასიცოცხლო ინფრასტრუქტურა - საცხობები, ბანკები.

ბუნებრივია ექიმები და ავადმყოფები, რომლებსაცშეიძლება თბილისში ან სხვა მუნიციპალიტეტში სჭირდებოდეთ მკურნალობა პრობლემის გარეშე შედიან და გამოდიან, რაღათქმა უდნა ყველა მოთხოვნის დაცვით, რაც არის ჯანდაცვის სპეციალისტებისგან.
სოფლის მეურნეობის სამუშაოებში მაქსიმალურად ვცდილობთ ხელი არ შევუშალოთ მოქალაქეებს, თუმცა იქაცა დაცული უნდა იყოს ის პირობა, რომ როდესაც ადამიანი სამუშაოდ მიდის მანქანაში 2 ადამიანზე მეტი არ უნდა იყოს და დისტანცია იყოს დაცული.
ბენზოგასამართ სადგურებზე შეიქმნა გარკვეული პრობლემა , დილიდან, მაგრამ ამ ეტაპზე ეს პრობლემაც გვარდება, რადგან მათი მუშაობა სასიცოცხლოდ მნიშვნელოვანია.
შექმნილია მოხალისეთა ორი ჯგუფი. ერთი-ერთი ექიმების, რომლებიც ყველა ცხელ წერტილში მიდიან. და ადგილზე ამოწმებენ ადამიანებს აქვს თუ არა ტემპერატურა ან რაიმე სინფტომები, ჩაუტარდებათ სწრაფი ტესტები და შემდეგ უკვე საჭროების მიხედვით ღრმა კვლევაზე ლუგარის ლაბორატორიას გადაეცემა. ასეთი ათი ჯგუფი გვყავს ამ ეტაპზე", - განაცხადა სოზარ სუბარმა.