|
2020-03-21 09:14:20, 1439 ნახვა
ეკონომიკა
ნათია თურნავა - ვმუშაობთ, რომ ძალიან მალე ადგილობრივი წარმოების პირბადეები ხელმისაწვდომი იყოს საზოგადოების ფართო ფენებისთვის
„ვმუშაობთ, რომ ადგილობრივი წარმოების პირბადეები საზოგადოების ფართო ფენებისთვის ძალიან მალე იყოს ხელმისაწვდომი", - განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის ეკონომიკური გუნდის საკოორდინაციო საბჭოს სხდომის დასრულების შემდეგ მთავრობის ადმინისტრაციაში გამართულ ბრიფინგზე. „დღეს მსოფლიოში პირბადეებზე დეფიციტი არსებობს, რადგან დიდია მოთხოვნა. ჩვენ უმოკლეს ვადაში შევძელით, დაგვეწყო ამ პროდუქტის წარმოება და ყველაფერს ვაკეთებთ იმისათვის, რომ წარმოების ტემპი გავზარდოთ. თუმცა წარმოების საწყის ეტაპზე გვიწევს პრიორიტეტების განსაზღვრა", - განაცხადა ნათია თურნავამ. მისი თქმით, საკოორდინაციო საბჭოს ფარგლებში დაისახა პრიორიტეტები, რომლის მიხედვითაც მოხდება ადგილზე წარმოებული პირბადეების პირველი პარტიის გადანაწილება. მინისტრის ინფორმაციით, პირველ რიგში, პირბადეები გადაეცემათ 70 წელს გადაცილებულ მარტოხელა პენსიონერებს ან ისეთ მოხუცებს, რომელთაც ქრონიკული დაავადებები გააჩნიათ. „ჩვენ მათ უფასოდ დავურიგებთ პირბადეების პირველ პარტიას. გარდა ამისა, განვსაზღვრეთ მოხელეთა ისეთი კატეგორიები, რომელთაც ყველაზე მეტად აქვთ შეხება მოსახლეობის რისკის მატარებელ კატეგორიებთან. საუბარია პოლიციელებზე, მებაჟეებზე და სხვ. რაც შეეხება კერძო სექტორს, აქ პრიორიტეტულ ნუსხაში ჩვენ გამოვყავით ჩვენი საამაყო ადამიანები, ვინც დღეს მუშაობენ სასურსათო მაღაზიებში, ქსელურ მარკეტებში - ესაა კონსულტანტები, მოლარეები. მათაც პირველივე შესაძლებლობისთანავე პირბადეებს დავურიგებთ", - განაცხადა მინისტრმა. ნათია თურნავას განცხადებით, ადგილობრივი წარმოების პირბადეების საზოგადოების ფართო ფენებისთვის ხელმისაწვდომი მას შემდეგ გახდება, რაც ამ პროდუქციის მასობრივი წარმოება დაიწყება.
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



