"საკმაოდ რთულია, წინასწარ დახატო გრძელვადიანი გეგმა, მით უფრო, რომ ამ გამოწვევას გლობალურადაც სირთულე ახასიათებს. რაც მთავარია, ჩვენ პულსზე ხელი გვიჭირავს. ძალიან მჭიდროდ ვთანამშრომლობთ ბიზნესთან. ვაკვირდებით მიმდინარე პროცესებს და ადეკვატურად წერტილოვნად ვრეაგირებთ", - განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის ეკონომიკური გუნდის შეკრების შემდეგ გამართულ ბრიფინგზე, რომელიც მთავრობის ადმინისტრაციაში გაიმართა.

ნათია თურნავას განცხადებით, მთავრობის ეკონომიკურ გუნდს პრემიერ-მინისტრისგან დავალებული აქვს, სამოქმედო გეგმის შემუშავებისას განსაკუთრებული აქცენტი  სტრატეგიულ მნიშვნელოვან დარგებსა და საწარმოებზე გააკეთოს. მინისტრის ინფორმაციით, ესენია სოფლის მეურნეობა, აგროგადამამუშავებელი წარმოება, ასევე ისეთი მოთხოვნადი პროდუქციის წარმოებები, როგორიცაა პირბადეები, სადეზინფექციო ხსნარები, ხელთათმანები და სხვ.

„ასეთი პროდუქციის წარმოების საჭიროება აქამდე მწვავედ არ იდგა, მაგრამ მთელმა მსოფლიომ დაინახა, რამდენად მნიშვნელოვანია ასეთ დროს უზრუნველყოფილი იყო დამცავი საშუალებების ადგილობრივი წარმოებით. ასევე მნიშვნელოვანია საექსპორტო დარგების მხარდაჭერაც", - განაცხადა ნათია თურნავამ.

ეკონომიკის მინისტრმა ყურადღება გაამახვილა ტურიზმზე, როგორც საქართველოს ეკონომიკაში უცხოური ვალუტის ერთერთი ძირითადი შემომტანი დარგზე.

 „ამ დანაკლისის შევსება აუცილებელია სწორედ იმის ხარჯზე, რომ ჩვენ მეტად განვავითარებთ საექსპორტო ინდუსტრიებს. იმედი გვაქვს, რომ მას შემდეგ, რაც მსოფლიო კორონავირუსის გლობალურ გამოწვევას გადალახავს, უფრო მეტი დატვირთვით ამუშავდება საექსპორტო დარგები და ჩვენ ამისათვის ყველაფერს ვაკეთებთ," - განაცხადა ნათია თურნავამ.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს