2020-03-17 11:19:11, 2810 ნახვა

---

აჭარის ჯანდაცვის მინისტრის მოადგილე - ლაბორატორიულად დადასტურებული პაციენტის მდგომარეობა არის დამაკმაყოფილებელი

აჭარის ჯანდაცვის მინისტრის პირველი მოადგილის, ნინო ნიჟარაძის განცხადებით, ბათუმის ინფექციურ საავადმყოფოში მოთავსებული პირის მდგომარეობა, რომელსაც კორონავირუსი დაუდასტურდა, დამაკმაყოფილებელია.

მისი თქმით, საავადმყოფოში მოთავსებულია ორი შესაძო შემთხვევა. მათ აუღეს კვლევისთვის ნიმუშები და რამდენიმე საათში გახდება კვლევის შედეგები ცნობილი.

„ლაბორაორიულად დადასტურებული პაციენტის მდგომარეობა არის დამაკმაყოფილებლეი. გარდა აღნიშნული პაციენტისა, ინფექციურ საავადმყოფოში მოთავსებულია ორი შესაძლო შემთხვევა, რომელთა ლაბორატორიული კვლევის შედეგი იქნება რამდენიმე საათში. მათი მდგომარეობაც არის კარგი. მსუბუქი რესპირაციული ჩივილებით არიან ისინი. რაც შეეხება საკარანტინე ზონას, აქტიურად ხდება ყველას ჯანმრთელობის მდგომარეობის მონიტორინგი, ყველას ჯანმრთელობის მდგომარეობა კარგია და თუკი რაიმე საეჭვო ჩივილი გამოვლინდება, დაუყოვნებლივ რეაგირებას მოვახდენთ. კარანტინში არის 300-ზე მეტი პირი“, - განაცხადა ნინო ნიჟარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი