"ევროპული საქართველოს" მსჯავრდებული გიგი უგულავას გათავისუფლების მოთხოვნით საქართველოს პრეზიდენტს 11-მა ევროპარლამენტარმა მიმართა.

წერილის ავტორები მოითხოვენ, რომ პრეზიდენტმა კონსტიტუციით მინიჭებული უფლება უნდა გამოიყენოს.

ევროპარლამენტარები თვლიან, რომ გიგი უგავას გათავისუფლების საკითხი იქნება ტესტი, თუ რამდენად შესრულდება ოპოზიციასა და უმრავლესობას შორის მიღწეული შეთანხმება.

წერილში ევროპარლამენტარები აღნიშნავენ, რომ საქართველოში საარჩევნო სისტემასთან დაკავშირებული შეთანხმების მიღწევის გამო მოხარულები არიან და იმედოვნებენ, რომ პოლიტიკური კრიზისი განიმუხტება.

შეგახსენებთ, რომ საქართველოს მთავრობამ და ოპოზიციამ საარჩევმო სისტემასთან დაკავშირებით შეთანხმება მოახერხეს. შემოდგომით არჩევნები 120/30- ზე მოდელით ჩატარდება. ასევე დაწესდა ე.წ ჩამკეტი, რომლის მიხედვითაც, პარტია, რომელიც ხმების 40%-ზე ნაკლებს მიიღებს, მთავრობას ვერ დააკომპლექტებს.

მხარეებს შორის მიღწეული შეთანხმება ითვალისწინებდა, პოლიტიკური დევნის შეწყვეტასა და პოლიტპატიმრების გათავისუფლებას.

აღსანიშნავია ისიც, რომ გუშინ გიგი უგულავამ და მისმა ადვოკატმა, ბექა ბასილაიამ, პრეზიდენტს გიგი უგულავას გათავისუფლების შუამავლობით მიმადთეს.

ავტორი: ექსპრესნიუსი,

სოციალური ქსელები

ერ-რიადის აეროპორტში მომხდარი დაბომბვის შედეგად 12 ადამიანი დაიღუპა და 300-ზე მეტი დაიჭრა

ილონ მასკი მხარს უჭერს ტრამპს - „ზელენსკიმ ზღვარი გადალახა“

რუსმა საცალო ვაჭრობის წარმომადგენლებმა გაყიდვიდან ამოიღეს ქართული წარმოების კოკა-კოლა, ნაბეღლავი

იარაღის და სამხედრო საწარმო დელტაში ხანძარი გაჩნდა, იგი ლიკვიდირებულია