ეკონომიკისა და მდგრადი განვითარების მინისტრის, ნათია თურნავას განცხადებით, ტურისტული ინდუსტრია არის მოლოდინში, რომ რამდენიმე თვეში კორონავირუსის გამოწვევა გადაივლის და ამიტომაც გადასახადების გადახდის გადავადება ითხოვეს.

როგორც მინისტრმა აღნიშნა, აღნიშნული გადაწყვეტილებით, ტურისტულ ინდუსტრიას საშუალება ექნება გაუმკლავდნენ ამ რთულ პერიოდს და საკმარისი რესურსი დარჩეთ  ინდუსტრიაში.

„ჩვენ ვმოქმედებთ მოულოდნელად წარმოქმნილი გლობალური გამოწვევის წინაშე. შესაბამისად, ჩვენი გეგმა არის უფრო მეტად ანტიკრიზისული, რომელიც მიზნად ისახავს ბიზნესის სტიმულირებას, მაგრამ ჩვენი მთავარი ამოცანაა, ახლა წარმოქმნილ უეცარ გამოწვევას გავუმკლავდეთ. აქედან გამომდინარე, იმისთვის რომ, უფრო ზუსტი და წერტილოვანი გადაწყვეტილება მიგვეღო, დავიწყეთ ბიზნესთან შეხვედრები. მათ შორის, მე, პრემიერ-მინისტრს და ჩვენი გუნდის სხვა წარმომადგენლებს გვქონდა შეხვედრა ტურისტულ ინდუსტრიასთან, სასტუმროებთან და ინდუსტრიის წარმომადგენელ სხვა ორგანიზაციებთან. საკითხი რაც ჩვენს შორის დაისვა იყო არა რაიმეს პატიება, შემცირება ან რაიმე შეღავათი, არამედ ტურისტული ინდუსტრია არის მოლოდინში, რომ რამდენიმე თვეში ეს გამოწვევა გადალახული იქნება. შესაბამისად, მათ გვთხოვეს გადასახადების გადახდის გადავადება. ეს მათ აძლევთ ერთის მხრივ იმის საშუალებას, რომ გაუმკლავდნენ ამ რთულ პერიოდს და საკმარისი რესურსი დარჩეს ამ ინდუსტრიაში და მიმდინარე ხარჯი შეუმცირდეს“, - განაცხადა ნათია თურნავამ.

მინისტრის თქმით, გადასახადების გადახდის გადასავადებლად განკუთვილი დრო ტურისტულ ინდუსტრიას მისცემს ამოსუნთქვის საშუალებას, რისთვისაც ბიზნესში დარჩება ის რესურსს, რაც სხვა ნორმალურ ვითარებაში ბიუჯეტში შემოვიდოდა.

"ტურისტულ ინდუსტრიას ამავდროულად, შეუძლია მოემზადონ იმ მომენტისთვის, რომელიც ვიმედოვნებ, რომ რამდენიმე თვეში დადგება და კვლავ აღდგება ჩვენი ტურისტული ბიზნესის მაღალი განვითარების დინამიკა. ეს იყო მათი თხოვნა და იყო აბსოლუტურად კორექტულად დასმული. ჩვენ ველით, რომ ეს არის დროებითი გამოწვევა. ამ დროს ჩვენ ვაძლევთ მასშტაბური ამოსუნთქვის საშუალებას ბიზნესს და ვტოვებთ ბიზნესში იმ რესურსს, რაც სხვა ნორმალურ ვითარებაში შემოვიდოდა ბიუჯეტში“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს