კანის ერთ-ერთი ყველაზე გავრცელებული დაავადებაა აკნე და ის, ძირითადად ვითარდება თინეიჯერულ ასაკში. როგორც ვიცით, მოზარდები საკუთარ გარეგნობას საკმაოდ სენსიტიურად აღიქვამენ. სწორედ ამიტომ, სახეზე გამონაყარი მათთვის ემოციურად საკმაოდ სტრესულია და ხშირ შემთხვევაში, მათ ემოციურ მდგომარეობაზე უარყოფითად აისახება. აკნესთვის დამახასიათებელი გამონაყარი ვლინდება ძირითადად სახის არეში, მხრებსა და ზურგზე.

როგორ ვითარდება და გამოვლინდება?

აკნე წარმოიქმნება მაშინ, როდესაც კანზე ხდება თმის ფოლიკულების ბლოკირება ცხიმით და მკვდარი კანის უჯრედებით (ეპიდერმისით). მათი სრული დაბლოკვისას, კანზე თეთრი ფერის კომედონები წარმოიქმნება, ხოლო ნაწილობრივის დროს შავი ფერის. აკნეს წარმოქმნის თმის ფოლიკულში მცხოვრები, ერთი შეხედვით, უწყინარი ბაქტერია Propionibacterium Acne. როდესაც ეს უვნებელი ბაქტერია მოხვდება დახშულ ფოლიკულში, ის მრავლდება და ამ გამრავლებით წარმოქმნის ანთებით პროცესს. ეს პროცესი კანზე პაპულებს აჩენს და თუ გართულდა,გავრცელდა, შეიძლება წარმოიქმნას კისტები, ზოგჯერ ნაწიბურებიც. აკნეს ტიპის გამონაყარი ჰორმონალური დონის ცვლილებითაც ჩნდება კანზე. უფრო ზუსტად, ამ პროცესში ანდროგენები(სასქესო ჰორმონები) მონაწილებენ. მათი დისბალანსი იწვევს ცხიმოვანი ჯირკვლების სეკრეციის გაძლიერებას. ჰორმონალური ცვლილებები, ორგანიზმში ძირითადად თინეიჯერულ ასაკში ხდება, ხოლო დაახლოებით 20 წლის ასაკისთვის უკვე სტაბილურდება და შესაბამისად, აკნეც მცირდება. გოგონებში გამონაყარი ასევე უკავშირდება ციკლს. ეს აკნეს პერიოდულ გაუარესება-გაუმჯობესებაში გამოიხატება.

როგორ ისმება დაიგნოზი?

აკნეს დიაგნოზს, გამონაყარზე დაკვირვებით სვამენ და შესაბამისად, დანიშნულებაზეც სწორედ მისი რაოდენობა და ფორმა ახდენს გავლენას. რიგ შემთხვევებში, როდესაც უკვე გართულებულია გამონაყარის მიმდინარეობა, ჰორმონალური ან სხვა სახის ტესტის ჩატარება ხდება საჭირო.

როგორ ვუმკურნალოთ?

მნიშვნელოვანია მაქსიმალურად დაიცვათ ჰიგიენა და ყოველდღიურად ჩაიტაროთ სახის მოვლის პროცედურები. ასევე შეგიძლიათ სახე ჩამოიბანოთ საპნით დღეში ერთხელ ან ორჯერ. თუმცა ყურადღება მიაქციეთ იმ ფაქტს, რომ ის არ აღიზინებდეს კანს. სამკურნალო საპნების გამოყენება ხშირად არ არის რეკომენდირებული, რადგან შეიძლება ამით უფრო მეტი ზიანი მიაყენოთ საკუთარ კანს. ამ შემთხვევაში გამოიყენეთ ნეიტრალური საპონი, ან თუნდაც საბავშო საპონი, რათა თავიდან აიცილოთ სახის კანის გაღიზიანება.

აკნესთან დაკავშირებულ საკითხებზე შესაძლებელია ექიმთან ონლაინ კონსულტაციის გავლა Redmed-ის საშუალებით. აკნეს სამკურნალოდ გამოიყენება ადგილობრივი და სისტემური მედიკამენტები. ადგილობრივი მედიკამენტები: რეტინოიდები ანტიბიოტიკები სალიცილის მჟავა და აზელაინის მჟავა დაფპსონი სისეტემური მედიკამენტები: ანტიბიოტიკები, კონბინირებული ორალური კონტრაცეპტივები ანტიანდროგენული საშუალებები იზოტრეტინიონი

ავტორი: R (რეკლამა),

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება