ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით დაინფიცირებული 12 წლის ბავშვის მდგომარეობა ჯერჯერობით მსუბუქია.

მისი თქმით, იმ 5 პაციენტს, რომლებიც ინფექციურ საავადმყოფოში გუშინ შეიყვანეს, საავადმყოფოში მყოფ ერთ პაციენტთან ერთად მოგზაურობის ისტორია აქვთ.

„როგორც გითხარით, ეს არის ერთი წყარო, მოგზაურობის ისტორია აქვთ ერთად. ეს 5 პაციენტი, რომელიც ერთად შემოვიდა, აქ მყოფ ერთ პაციენტთან ერთად მოგზაურობდნენ. ამ ბავშვის მდგომარება არის ჯერჯერობით მსუბუქი. საბედნიეროდ, ბავშვებში დაავადება უფრო მსუბუქად ვითარდება, ვიდრე მოზრდილებში და იმედია, საქართველო არ იქნება გამონაკლისი და ამ ბავშვთან დაავადება არ წავა უფრო მძიმედ, ვიდრე მსოფლიოს ნებისმიერ ქვეყანაში“, - განაცხადა მარინა ეზუგბაიამ.

ცნობისთვის, გუშინ, 10 მარტს საქართველოში კორონავირუსით ბავშვის დაინფიცირების პირველი შემთხვევა დაფიქსირდა.

ავტორი: ექსპრესნიუსი,

სოციალური ქსელები

გახარიას გუნდი შეკრება-მანიფესტაციების შესახებ გამკაცრებული ნორმების გაუქმებას ითხოვს

ვის ხელშია თბილისის გაზი, შუქი, ტრანსპორტი - TI-ის კვლევა

შვედეთის არჩევნები: ოპოზიციურმა პარტიებმა მცირე უპირატესობით გაიმარჯვეს

ტრამპი: CIA-ს დირექტორი რეტკლიფი უკრაინის მოლაპარაკებების ყველა ასპექტშია ჩართული