„თუ მე ჩავთვლი, რომ შეწყალება უნდა შედგეს, შეწყალების აქტი მიღებული იქნება“, - ასე გამოეხმაურა საქართველოს პრეზიდენტი სალომე ზურაბიშვილი „ევროპული საქართველოს“ წევრის, გიგი უგულავას შეწყალების საკითხს ჟურნალისტებთან საუბრისას.

როგორც პრეზიდენტმა აღნიშნა, შეწყალება ექვემდებარება წესებს, რომელიც მიღებული იქნა ამ წელს და რაც უნდა იყოს მოთხოვნა, ამ წესების მიხედვით იქნება განხილული.

„ეს არის მართლაც როგორც საზოგადოებისა და ქვეყნის გამარჯვება ქვეყნის დემოკრატიისთვის, კიდევ ერთი წინ გადადგმული ნაბიჯი. ჩვენ უკან არ გადაგვიდგამს არც ერთი ნაბიჯი, მაგრამ ეს არის კიდევ ერთი წინ გადადგმული ნაბიჯი, რომელიც ყველასთვის არის სასიხარულო.

რაც შეეხება შეწყალების თემას, შეწყალება ექვემდებარება წესებს, რომელიც მიღებული იქნა ამ წელს. რაც უნდა იყოს მოთხოვნა, განხილული იქნება ამ წესების მიხედვით. ყველა მოთხოვნას მივიღებ, წავიკითხავ, ვნახავ, გავეცნობი და თუ საჭიროა შეწყალება და თუ მე ჩავთვლი, რომ ეს არის დისკრეციული უფლება რომ შეწყალება უნდა შედგეს, იქნება შეწყალების აქტი. არ არსებობს ამ ქვეყანაში ცალკე ადამიანები, რომლებზეც ვრცელდება ცალკე რეგულაციები. ყველა მოქალაქისთვის არის იგივე რეგულაცია და ყველა მოქალაქემ ძალიან კარგად იცის, როგორ უნდა მიმართოს პრეზიდენტს“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.