2020-03-06 12:27:15, 2594 ნახვა

---

არჩილ თალაკვაძის ინიციატივით, შესაძლოა პარლამენტმა კანონპროექტები ელექტრონულად განიხილოს და ელექტრონული კენჭისყრით დაამტკიცოს

საქართველოს პარლამენტის თავმჯდომარემ, არჩილ თალაკვაძემ იურიდიულ და საპროცედურო კომიტეტებს, ასევე იურიდიულ დეპარტამენს დაავალა, რომ მოამზადონ ინიციატივა, რომელიც პარლამენტს მისცემს საშუალებას, კანონპროექტები ელექტრონული პროცედურებით განიხილონ და განსაკუთრებულ შემთხვევებში, ელექტრონული კენჭისყრა ჩაატარონ.

როგორც პარლამენტის თავმჯდომარემ ბიუროს სხდომაზე აღნიშნა, კომიტეტებმა ტექნიკურ თუ სამართლებრივ გარემოებებზე დროულად უნდა იმსჯელონ და თუ საჭირო იქნება, დაჩქარებული წესით განიხილონ აღნიშნული ინიციატივა.

„ერთი წლის წინ, როდესაც პარლამენტი და ჩვენ ვმუშაობდით ახალ რეგლამენტზე, კომიტეტის ერთ-ერთ სხდომაზე დავაყენე წინადადება, რომ განგვეხილა ახალ რეგლამენტში პარლამენტისთვის ელექტრონული პროცედურის განხილვისა და კენჭისყრის ელექტრონული შესაძლებლობის შემოტანა. დღეს მინდა, ისევ დავუბრუნდე ამ საკითხს, მოგმართოთ ყველას, რათა ვიფიქროთ და მოვამზადოთ ინიციატივა, რომელიც განსაკუთრებულ შემთხვევებში პარლამენტს მისცემს შესაძლებლობას, კანონპროექტები განიხილოს ელექტრონული პროცედურით და ჩაატაროს ელექტრონული კენჭისყრა გადაწყვეტილების მისაღებად. ვფიქრობ, დღესაც არის საფუძველი, რატომაც შეიძლება მომავალში ასეთი პლატფორმა პარლამენტს დასჭირდეს. მინდა, მივმართო იურიდიულ და საპროცედურო კომიტეტებს, ასევე იურიდიულ დეპარტამენტს, რომ იმსჯელოს ამ ინიციატივის გარშემო ტექნიკურ თუ სამართლებრივ გარემოებებზე და დროულად მოვამზადოთ, დაჩქარებული წესითაც თუ საჭიროა განვიხილოთ ეს ინიციატივა“, – განაცხდა არჩილ თალაკვაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი