2020-03-05 13:37:17, 1573 ნახვა
საზოგადოება
იმნაძე - თუ იტალიიდან ჩამოსულ პირს არ აქვს შეგნება იყოს თვითიზოლაციაში, დამსაქმებლები და ახლობლები მოერიდეთ მას
დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილე პაატა იმნაძე აცხადებს, რომ თუ იტალიიდან ჩამოსულ პირს არ აქვს შეგნება ორი კვირის განმავლობაში თვითიზოლაციაში იყოს, მაშინ დამსაქმებებლები, ახლობლები, თავად უნდა მოერიდონ მას.
ამის შესახებ პაატა იმნაძემ დღეს გამართულ ბრიფინგზე განაცხადა.
„არ ჩამითვალოთ სტიგმის გავრცელებაში. თუ ვინმეს, იტალიიდან ჩამოსულს, არ აქვს შეგნება, რომ ორი კვირის განმავლობაში თვითიზოლაციაში იყოს, მოვუწოდებ სხვებს, მის დამსაქმებლებს, ახლობლებს, მოერიდონ ასეთ ადამიანებს“, - განაცხადა პაატა იმნაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
