თბილისი, 2 მარტი, 2020 - დღეს, ლიბერთი ბანკის მმართველ გუნდს ვაჟა მენაბდე - მცირე და საშუალო ბიზნესის მიმართულების დირექტორის პოზიციაზე და ირაკლი აბაშიძე - მცირე და საშუალო ბიზნესის მიმართულების დირექტორის მოადგილის პოზიციაზე შეუერთდნენ.

ვაჟა მენაბდეს ფინანსურ სექტორში მუშაობის 21 წლიანი გამოცდილება აქვს. ვაჟას კარიერა 1999 წელს საქართველოს ბანკში დაიწყო, სადაც მას არაერთი პოზიცია ეკავა კორპორაციული საბანკო საქმიანობის დირექტორის მოადგილის და მიკრო დაფინანსების დეპარტამენტის ხელმძღვანელის პოზიციების ჩათვლით. 2010 -2016 წლებში ვაჟა მენაბდე ხელმძღვანელობდა საქართველოს ბანკის მცირე და საშუალო ბიზნესის მიმართულებას. 2016-2018 წლებში ვაჟას ეკავა  სტარტაპ საქართველოს დირექტორის პოზიცია. 2018 წელს ვაჟა მენაბდეს პაშა ბანკის მცირე და საშუალო ბიზნესის ხელმძღვანელის პოზიცია ეკავა. 

ვაჟა მენაბდე ფლობს თბილისის სახელმწიფო უნივერსიტეტის ბაკალავრისა  და საერთაშორისო ეკონომიკის MBA ხარისხს. 2019 წლიდან ვაჟა ფლობს გრენობლის მენეჯმენტის სკოლის (Grenoble Ecole de Management, France) MBA ხარისხს.

ირაკლი აბაშიძეს ფინანსურ სექტორში მუშაობის 15 წელზე მეტი გამოცდილება აქვს, უმეტესწილად მცირე და საშუალო ბიზნესების დაფინანსების მიმართულებით. 2005–2017 წლებში ირაკლის ეკავა არაერთი პოზიცია საქართველოს ბანკში - საკრედიტო ოფიცრიდან მცირე და საშუალო ბიზნესის დაფინანსების კოორდინატორამდე. 2016 წლიდან ირაკლი ფინკა ბანკ საქართველოს შეუერთდა  მცირე და საშუალო ბიზნესის  მიმართულების კონსულტანტად. 2017 წლიდან კი ხელმძღვანელობდა საკრედიტო დეპარტამენტს ფინკა ბანკში.

ირაკლი აბაშიძე ფლობს თავისუფალი უნივერსიტეტის (ESM) MBA ხარისხს.

„ჩემთვის დიდი პატივია, რომ ახალ, ძლიერ გუნდთან ერთად ჩავერთვები ლიბერთის უნივერსალურ ბანკად ჩამოყალიბების პროცესში. მზად ვარ, ჩემი მრავალწლიანი გამოცდილება მცირე და საშუალო ბიზნესის დაფინანსების მიმართულებით გამოვიყენო და მაქსიმალურად სწრაფად შევთავაზოთ ბიზნესისთვის საინტერესო პროდუქტები და მომსახურება“, - განაცხადა  ლიბერთის მცირე და საშუალო ბიზნესის მიმართულების დირექტორის მოადგილემ, ირაკლი აბაშიძემ.

„მოხარული ვარ, რომ მე და ირაკლის მოგვეცა შესაძლებლობა განვავითაროთ ლიბერთი ბანკის მცირე და საშუალო ბიზნესის მიმართულება ბანკში მიმდინარე ფუნდამენტური ტრანსფორმაციის პროცესში“, – განაცხადა ახლადდანიშნულმა ლიბერთის მცირე და საშუალო ბიზნესის მიმართულების დირექტორმა, ვაჟა მენაბდემ.

„მინდა მივესალმო ვაჟას და ირაკლის ბანკის მზარდ გუნდთან შემოერთებას. დარწმუნებული ვარ, რომ ისინი მნიშვნელოვან წვლილს შეიტანენ ლიბერთის განვითარებაში. ლიბერთის ოჯახის ახალ წევრებს ვუსურვებ წარმატებას ამ მნიშვნელოვან და გამოწვევებით სავსე პოზიციებზე“, - განაცხადა ლიბერთის გენერალურმა დირექტორმა, ვასილ ხოდელმა.

ლიბერთი ბანკი, ქვეყნის ერთ-ერთი უმსხვილესი კომერციული ბანკია. ბანკის აქტივები 2 მლრდ ლარს შეადგენს, დასაქმებულია 4 500-ზე მეტი თანამშრომელი, მთელი ქვეყნის მასშტაბით წარმოდგენილია 360-ზე მეტი მომსახურების ცენტრით, 550 ბანკომატით და ემსახურება 1.7 მილიონზე მეტ მომხმარებელს.

.

ავტორი: R (რეკლამა),

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება