2020-02-29 14:45:17, 2166 ნახვა

---

ზურაბ ჭიაბერაშვილის განცხადებით, საკარანტინო შენობიდან ერთ-ერთმა პაციენტმა აცნობა, რომ შენობაში შესაბამისი პირობები არ არის

„ევროპული საქართველოს“ წევრი ზურაბ ჭიაბერაშვილი სოციალურ ქსელში წერს, რომ საკარანტინო ზონაში მოთავსებულმა ერთ-ერთმა პაციენტმა შენობაში შესაბამისი პირობების არ არსებობასტან დაკავშირებით აცნობა.

მისი ინფორმაციით, საკარანტინო შენობაში მოთავსებულ პაციენტებზე მეთვალყურეობას არავინ ახორციელებს.

„ხელთ მაქვს დიდ დიღომში ერთ-ერთ შენობაში კარანტინში მოთავსებული ადამიანის მიერ გამოგზავნილი ხმოვანი შეტყობინებები, რომლებშიც იგი დახმარებას ითხოვს.

დავწერ მის რამდენიმე ფრაზას:

- მისამართი არ ვიცი სად ვარ, ინტერნეტი რომ არ მქონდეს და ადგილმდებარეობას არ მიჩვენებდეს

- არც ექთანი, არც პოლიციელი, არც ადმინისტრატორი, არც მენეჯერი, არავინ არ არის...

- ცხელ ხაზზე 15 05-ზე ვრეკავ და გვითიშავენ

- ღამე გავიყინეთ ყველანი, ისე ციოდა, 5-5 პლედი გვეფარა

- გარეთ დერეფნებში ისე ცივა, რომ გასვლასაც ვერ ვახერხებ

- არავინ გამოჩენილა. ღამე ვიღაცეები კიდევ მოიყვანეს, მაგრამ არავინ გამოჩენილა. ვერვის ველაპარაკებით

- მეგონა, დილით მაინც მოვა ვინმე-მეთქი

- პრევენციის ცენტრს ველაპარაკე და მითხრეს, რომ დირექტორს გადავეცით ეს პრობლემა და ჯანდაცვასთან მოაგვარებსო

- ყველა იმას ამბობს, რომ ჯანდაცვის სამინისტროს დონეზე თუ მოგვარდება ეს ამბავი, სხვა ვერავინ ვერაფერს იზამსო. ეს ხალხი წუხელ მიიყვანეს. 13:00 გახდა და ჯერ საჭმელი არ მოუტანიათ“,  - წერს ჭიაბერაშვილი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი