დღეს დილით თბილისის ინფექციური საავადმყოფოდან ის 16 ადამიანი გადაიყვანეს აბასთუმნის საავადმყოფოში, ვისაც კორონავირუსი არ დაუდგინდა.

როგორც დაავადებათა კონტოროლის ეროვნული ცენტრის ხელმძღვანელი ამირან გამყრელიძე აღნიშნავს, ამ ადამიანებს დაზღვევის მიზნით 14 დღის განმავლობაში კარანტინში მოუწევთ ყოფნა.

„ჩინეთიდან ჩამოსული პირველი ჯგუფი, გასულ კვირას ჩვენ მოვათავსეთ ორკვირიან კარანტინში საჩხერის სამედიინო ცენტრის სასტუმრო განყოფილებაში. ჯამში 34 ადამიანი, აქედან დღეს სამი ადამიანი გადაყვანილია თვითიზოლაციაში. ეს ნიშნავს იმას, რომ ისინი არიან საკუთარ საცხოვრებელ ბინაში, ოღონდ შესაბამისი პირობების დაცვით. წინასწარ ეს პირობები შესწავლილი იქნა და შეფასდა შესაბამისი ეპიდემიოლოგიური გუნდების მიერ. ეს ყველა ქვეყანაში მიღებული ფორმაა. ისინი 14 დღეს დაყოფენ თვითიზოლაციაში.

მეორე საიზოლაციო საავადმყოფო არის აბასთუმანში. იქ ინფექციური საავადმყოფოდან დილით გადაიყვანეს ის 16 ადამიანები,ვისაც გუშინ არ დაუდასტურდა ლაბორატორიულად კორონავირუსი. მაგრამ ისინი 14 დღეს დაყოფენ კარანტინში“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა