ეკონომიკისა და მდგრადი განვითარების მინისტრმა ნათია თურნავამ სამუშაო შეხვედრა გამართა აზიის განვითარების ბანკის მუდმივ წარმომადგენელთან შეინ როზენტალთან, რომლის  დროსაც განხილული იქნა აღნიშნულ საფინანსო ორგანიზაციასთან საქართველოს მიმდინარე და სამომავლო თანამშრომლობის პროექტები.

 აღინიშნა, რომ აზიის განვითარების ბანკი დადებითად აფასებს საქართველოს მთავრობის ეკონომიკურ რეფორმებს, რომლებიც მიმართულია ქვეყნის ეკონომიკური მდგომარეობის გაუმჯობესებისა და ინკლუზიური ზრდისკენ. აგრეთვე მხარს უჭერს ქვეყანაში მიმდინარე ინფრასტრუქტურულ პროექტებს, რომელთა მიზანს საქართველოს კონკურენტუნარიანობის ამაღლება და ქვეყნის ეკონომიკური განვითარება წარმოადგენს. ითქვა, რომ ბანკი ხელს შეუწყობს საქართველოს ტერიტორიაზე გამავალი ეკონომიკური დერეფნების ჩამოყალიბებას.

შეხვედრაზე განხილული იქნა აზიის განვითარების ბანკის მხარდაჭერით მიმდინარე პროექტები ტრანსპორტის, ენერგეტიკისა და სხვა პრიორიტეტული მიმართულებით. ითქვა, რომ ბანკი წარმატებით თანამშრომლობს როგორც საქართველოს საჯარო სექტორთან ქვეყნის ინფრასტრუქტურის გაუმჯობესების კუთხით, ასევე კერძო კომპანიებთან, განსაკუთრებით რეგიონებში.

შეხვედრას ასევე დაესწრნენ მინისტრის მოადგილეები აკაკი საღირაშვილი და დავით თვალაბეიშვილი.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს