2020-02-24 22:59:52, 1588 ნახვა
საზოგადოება
ჩინეთის მოქალაქეებს, რომელთა გამოც თბილისი ბათუმის მატარებელი გააჩერეს კორონავირუსის სიმპტომები არ აღმოაჩნდათ
ჩინეთის 2 მოქალაქეს, რომელთა გამოც, თბილისი-ბათუმის მატარებელი გაჩერდა, პირველადი შემოწმებით კორონავირუსის სიმპტომები არ აღმოაჩნდათ და ისინი რისკჯგუფში არ არიან.
როგორც ჟურნალისტებს საავადმყოფოს სამედიცინო დირექტორმა მარინა ეზუგბაიამ განუცხადა, წინასწარი ინფორმაციით, მათ არც ტემპერატურა, არც ხველა, არც სუნთქვის გაძნელება არ უფიქსირდებათ.
ამ დროისთვის ცენტრში 3 მოქალაქე რჩება. ერთი ქართველი, რომელიც ირანიდან ჩამოვიდა და 2 ირანელი ცოლ-ქმარი.
საჩხერის საავადმყოფოს ტერიტორიაზე კი, საქართველოს 34 მოქალაქისთვის საკარანტინო პერიოდი გრძელდება. დაკვირვების მეოთხე დღეს მედიკოსები აცხადებენ, რომ არც ერთ მოქალაქეს ამ დრომდე კორონავირუსი არ აღენიშნება.
ავტორი: ექსპრესნიუსი,
epn.ge (@expressnews.ge)
