კომპანია „თბილისი ენერჯიმ“, უსაფრთხოების ყველა სხვა ღონისძიებასთან ერთად, დედაქალაქის მოსახლეობასთან საინფორმაციო სახის შეხვედრები დაიწყო.

საინფორმაციო შეხვედრები განსაკუთრებით მნიშვნელოვანია ქარის სეზონის დროს. სიცოცხლისთვის საშიში დანადგარების სახლში მონტაჟის შემთხვევაში კი ქარიანი ამინდი ბინაში CO-ს დაგროვების საფრთხეს მინიმუმ 10-ჯერ ზრდის. აქედან გამომდინარე, „თბილისი ენერჯის“ ხელმძღვანელობამ გადაწყვიტა, უშუალოდ შეხვდეს სხვადასხვა უბნის მოსახლეობას და პირადად აუხსნას აბონენტებს სპეციალისტების რჩევების გათვალისწინების აუცილებლობა. მორიგი შეხვედრა სამგორის რაიონში გაიმართება. აღნიშნული რაიონი სტატისტიკით ერთ-ერთი ყველაზე საშიში უბანია, სადაც მოსახლეობა ხშირად თვითნებურად, კუსტარულად აერთებს ქსელზე გაზის დანადგარებს და საფრთხეს უქმნის საკუთარი ოჯახის წევრებისა და მეზობლების სიცოცხლეს. უსაფრთხოების საინფორმაციო შეხვედრა დღეს, 19 თებერვალს 16:00 საათზე, ვარკეთილის ზ/პლატო კორპ. 41-თან გაიმართება.

„თბილისი ენერჯის“ ხელმძღვანელებთან და გაზის სპეციალისტებთან ერთად, უსაფრთხოების კამპანიაში მონაწილეობენ: ენერგოომბუდსმენი სალომე ვარდიაშვილი, რაიონის გამგებელი კახა სამხარაძე, საკრებულოს წევრები და ტექნიკური უნივერსიტეტის სტუდენტები.

„თბილისი ენერჯის“ სპეციალისტები, პარალელურად, იწყებენ უსაფრთხოების კამპანიას თბილისის საჯარო სკოლებში. უფროსკლასელებისთვის სპეციალისტები გაზის უსაფრთხო მოხმარებაზე მასტერკლასებს ჩაატარებენ. ღია წვის კამერიანი აკრძალული და სახიფათო დანადგარები, თვითნებურად, კუსტარულად დაერთებული გაზგამათბობლები და წყალგამაცხელებლები - ეს ის პრობლემებია, რომლებსაც კომპანია „თბილისი ენერჯი“ მაქსიმალურ ყურადღებას უთმობს. კომპანიის სპეციალისტები ყოველდღიურად ამოწმებენ აბონენტებს, ქსელიდან ხსნიან სახიფათო დანადგარებს და აფრთხილებენ საფრთხეებზე. ამის მიუხედავად ხშირია „თბილისი ენერჯის“ სპეციალისტების რჩევების იგნორირება. სტატისტიკა მეტყველებს, რომ მიუხედავად დიდი საფრთხისა, აბონენტთა ნაწილი მაინც ცდილობს ქსელიდან ჩახსნილი სიცოცხლისთვის საშიში დანადგარების კუსტარულად, თვითნებურად დაერთებას.

საკონტაქტო პირი მარიამ მურადაშვილი ტ. 574229858

ავტორი: NS (სტატია დაფინანსებულია),

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა