„სოფლის მეურნეობისა და გარემოს დაცვის სამინისტრო გეგმავს 2020 წელს 100 000 კვადრატული მეტრით კიდევ გაზარდოს დაცული ტერიტორიების რაოდენობა“, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომის დაწყებამდე განაცხადა.

როგორც მან აღნიშნა, მთავრობის გადაწყვეტილებით, შეიქმნება ურუშეთის ეროვნული პარკი, რომელიც სასაზღვრო ზონაშია და ეს იქნება უაღრესად მნიშვნელოვანი როგორც ტრანსსასაზღვრო თანამშრომლობის, ისე წითელი წიგნის ნუსხის სახეობების შენარჩუნებისთვის.

„მოგეხსენებათ, რომ 2019 წელს დაცული ტერიტორიები საერთო მოცულობა 10%-ით გაიზარდა და დღეს ის შეადგენს ქვეყანაში საქართველოს ტერიტორიის 9,6%-ს, ეს არ არის მაქსიმალური მაჩვენებელი და სოფლის მეურნეობისა და გარემოს დაცვის სამინისტრო გეგმავს 2020 წელს 100 000 კვადრატული მეტრით კიდევ გაზარდოს დაცული ტერიტორიების რაოდენობა. დღეს ჩვენ ვიღებთ გადაწყვეტილებას ურუშეთის პარკის შექმნის შესახებ, რომელიც სასაზღვრო ზონაშია და უაღრესად მნიშვნელოვანი იქნება ტრანსსასაზღვრო ურთიერთობისა და წითელი ნუსხის სახეობის შენარჩუნებისთვის. ამ გადაწყვეტილებით ჩვენ ვქმნით ისეთ მნიშვნელოვან არეალს, სადაც ხელს შევუწყობთ გარემოს დაცვას. გარდა ამისა, ხდება ბორჯომი-ხარაგაულის დაცული ტერიტორიის გაფართოება 4 000 კვადრატული მეტრით. რაც იმას ნიშნავს, რომ ეს უნიკალური ტერიტორია, რომელიც საქართველოში გვაქვს კიდევ უფრო ეფექტურად შეძლებს სახეობების შენარჩუნებას. კონკრეტულად, საუბარია დერეფნების შექმნისთვის კავკასიური ირმის, კეთილშობილი ირმის და არჩვისთვის მცირე კავკასიონის დასავლეთის ქედებისკენ კორიდორის შექმნაზე. ეს უაღრესად მნიშვნელოვანია წითელი წიგნის ნუსხის ცხოველების გადასარჩენად“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა