„დაიწყეს სხვადასხვა ნიღბების მორგება, რომ მათი მთავარი ნიღაბი და მთავარი რეალური რუსული საოკუპაციო სახე დამალონ“, - ამის შესახებ უმრავლესობის ლიდერმა მამუკა მდინარაძემ პლენარულ სხდომაზე განაცხადა, რითიც გამოეხმაურა ოპოზიციის მიერ საბჭოთა კავშირის ჰიმნის ჩართვას.

მისი თქმით, ოპოზიცია ყოველთვის რუსულ საქმეს აკეთებდა და მხოლოდ სიტყვით იყვნენ პროდასავლურები.

„ძალიან ხშირად სამწუხაროდ, ვხედავთ ხოლმე პარლამენტის მიერ ჩატარებული სამუშაოს პარლამენტის მიერ კონკრეტული შედეგების გადაფარვის მცდელობას, ერთ-ერთი იყო დღეს, მათ შორის   ძალიან უხეში და ამორალური ფორმით. როგორც ჩანს, ქვეცნობიერი მაინც თავისას შვება. აქ იუნკერები განისვენებენ, ამ დარბაზში ხელი მოეწერა დამოუკიდებლობის აღდგენის აქტს და ამ დარბაზში დღეს სამწუხაროდ, ჩვენმა კოლეგებმა საბჭოთა რუსული ჰიმნი გააჟღერეს და გაახმოვანეს. ესენი არიან ის ადამიანები, ვინც თავის დროზე მხარი დაუჭირეს რეზოლუციას, სადაც რუსეთის შეტევა საპასუხოდ იყო 2008 წლის აგვისტოში მოხსენიებული. ესენია არიან ის ადამიანები, რომლებმაც ჰააგის სასამართლოში მტკიცებულებები არ წარადგინეს და რომ არა „ქართული ოცნების“ ხელისუფლება, დღესაც მწირი მტკიცებულებები გვექნებოდა ჩვენი ჯარისკაცების დასაცავად ჰააგაში წარმოდგენილი. ესენი არიან ადამიანები, ვინც სტრატეგიული ობიექტები ასე გადაუფრომეს ოკუპანტი ქვეყნის წარმომადგენლებს ომის შემდეგაც და ესენი არიან ადამიანები, ვინც ეს ყველაფერი დააგვირგვინეს დღეს რუსული ჰიმნის გაჟღერებით საქართველოს პარლამენტში. ალბათ რუსული ჰიმნის გახმოვანებით მადლობასაც კი იტყვიან. საქმით აკეთებდნენ რუსულ საქმეს და მხოლოდ სიტყვით იყვნენ პროდასავლურები. მათ დღეს დაიწყეს სხვადასხვა ნიღბების მორგება, რომ მათი მთავარი ნიღაბი და მათი მთავარი რეალური სახე რუსული, საოკუპაციო სახე დამალონ და დაფარონ“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა