„რაც ახლა აქ ხდება „ნაციონალური მოძრაობის“ ჩხავანა ადამიანების მხრიდან, არის ამაზრზენი და გულის ამრევი“, - ამის შესახებ უმრავლესობის დეპუტატმა გიორგი გაჩეჩილაძემ, იურიდიულ საკითხთა კომიტეტის სხდომაზე განაცხადა, სადაც გენერალური პროკურორობის კანდიდატის, ირაკლი შოთაძის მოსმენა ოპოიციის პროტესტის ფონზე დაიწყო.

როგორც მან აღნიშნა, მმართველმა გუნდმა „ნაციონალური მოძრაობის“ მიერ მოკლული, გაუპატიურებული, დაჩაგრული ადაიანების სურათებით უნდა იაროს, რომ შეახსენოს მათ, თუ რა აქვთ ჩადენილი.

„რაც ახლა აქ ხდება, „ნაციონალური მოძრაობის“ ჩხავანა ადამიანების მხრიდან, არის ამაზრზენი და გულის ამრევი. ჩვენ რა ვქნათ, აქ მათ მიერ მოკლული, გაუპატიურებული, დაჩაგრული ადამიანების სურათებით ვიაროთ, რომ გავახსენოთ, რეები აქვთ ჩადენილი. მე ახლა წესით, იური ვაზაგაშვლის ფოტოთი უნდა მოვსულიყავი, რომ ჩემი მეგობრის, რომლის საფლავზე, შვილის საფლავზე ააფეთქეს მათ და დაპატიმრებული არის, მაგათი კრიმინალური პოლიციის უფროსის მოადგილე, რომელმაც ეს უბედურება ჩაიდინა. რა ვქნათ? როგორ მოვიქცეთ“, - განაცხადა გიორგი გაჩეჩილაძემ.

ცნობისთვის, ამ წუთებში იურიდიულ საკითხთა კომიტეტის სხდომაზე გენერალური პროკურორობის კანდიდატის, ირაკლი შოთაძის მოსმენა მიმდინარეობს. სხდომა ხმაურის ფონზე დაიწყო. დარბაზში, ოპოზიციის წარმომადგენლები, „ევროპული საქართველოს“ წევრი ელენე ხოშტარია და „ნაციონალური მოძრაობის“ წევრი თინა ბოკუჩავა, ბიძინა ივანიშვილის გამოსახულებიანი ნიღბებით მივიდნენ. ბოკუჩავამ სხდომაზე პოლიტიკური პატიმრების ფოტოები დაარიგა. კომიტეტის თავმჯდომარე ანრი ოხანაშვილმა მას წესრიგის დაცვისკენ მოუწოდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა