2020-02-11 17:17:28, 1414 ნახვა

---

ჯაფარიძე - ოპოზიციის მაჟორიტარ დეპუტატებთან დაკავშირებულ მოვლენებს თვალს ვადევნებთ, თუმცა ჩვენ ჩვენი გეგმით ვვითარდებით

„ჩვენ ვადევნებთ თვალს ოპოზიციურ პარტიებს შორის მაჟორიტარ დეპუტატებთან დაკავშირებით მიმდინარე სიტუაციას, თუმცა ჩვენ ჩვენი გეგმით ვვითარდებით“, - ამის შესახებ  „ლელო საქართველოსთვის“ დამფუძნებელმა ბადრი ჯაფარიძემ განაცხადა.

მისივე თქმით, „ლელოს“ ჯერ არ აქვს გადაწყვეტილი, ვის წარადგენს მაჟორიტარ დეპუტატად.

„არის შეთანხმება ოპოზიციურ პარტიებს შორის იმასთან დაკავსირებით, რომ 4 აპრილს 4 საათზე ჩატარდეს აქცია. ეს შეთანხმება არსებიობს.  აქციაზე უნდა განაცხადონ პარტიებმა არჩევნებთან დაკავშირებულ სტრატეგიებზე. რაც შეეხება კონსულტაციებს მაჟორიტარულ კანდიდატებთან დაკავშირებით, ჩვენ ვადევნებთ თვალს ოპოზიციურ პარტიებს შორის მაჟორიტარ დეპუტატებთან დაკავშირებით სიტუაციას, თუმცა ჩვენ ჩვენი გეგმით ვვითარდებით. „ლელოს“ პარტიული გადაწყვტეილება ამასთან დაკავშირებით არ არსებობს“, - განაცხადა ბადრი ჯაფარიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი