სასჯელაღსრულებისა და პრობაციის მინისტრი გიორგი მღებრიშვილისთვის ლევან ბობოხიძის საქმეთან დაკავშირებით, შეწყალების კომისიის არგუმენტები მიუღებელია.

როგორც მღებრიშვილმა ჟურნალისტებს განუცხადა, ბობოხიძის შეწყალების გადაწყვეტილება არასრულყოფილი ინფორმაციის ანალიზის საფუძველზე მოხდა.

მინისტრის განმარტებით, კომისიას უნდა გამოეთხოვა ინფორმაცია ლევან ბობოხიძე დასჯილი იყო თუ წახალისებული.

გიორგი მღებრიშვილის ინფორმაციით, ლევან ბობოხიძე რეჟიმის დარღვევისთვის დასჯილი იყო.

„მე ამ შეწყალებას ვუწოდე ნაჩქარევი გადაწყვეტილება. ამის საფუძველი მქონდა იმიტომ რომ ეს გადაწყვეტილება იქნა მიღებული არასრულყოფილი ინფორმციის ანალიზის საფუძველზე. ჩემთვის შეწყალების კომისიის  არგუმენტები მიუღებელია. კომისიას ჩემგან უნდა გამოეთხოვა ინფორმაცია იმის შესახებ ლევან ბობოხიძე დასჯილი იყო თუ წახალისებული. მათ ეს ინფორმაცია არ გამოუთხოვიათ. ლევან ბობოხიძე რეჟიმის დარღვვევისთვის დასჯილი იყო“,-განაცხადა გიორგი მღებრიშვილმა.

შეგახსენებთ, პრეზიდენტმა რამდენიმე დღის წინ საპარლამენტო უმცირესობის წევრის აკაკი ბობოხიძის ძმა ლევან ბობოხიძე შეიწყალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ტოიოტა ცენტრი თეგეტამ“ საქართველოში სრულად ელექტრო Toyota bZ4X წარადგინა

აგვისტოში, საარსებო შემწეობის მიმღებთა რიცხვი კიდევ 6500-ით შემცირდა,- რეჟიმი ხალხს შემწეობას აღარ უხდის

უნგრეთი აშშ-ს თხოვს არ დასაჯოს „ჯოჯოხეთური სანქციებით“ ლინდსი გრეჰემის აქტის შესაბამისად

ბაქო-თბილისი-ჯეიჰანის მილსადენით ნავთობის გადაზიდვა შემცირდა