ჩინეთიდან კიდევ ერთი საქართველოს მოქალაქე ჩამოვიდა, რომელსაც მაღალი ტემპერატურა აღენიშნებოდა.

როგორც ცნობილია, მამაკაცი თბილისის ინფექციურ საავადმყოფოში, ბოქსირებულ პალატაში იმყოფება. მას კორონავირუსზე ტესტს ლუგარის ლაბორატორიაში ჩაუტარებენ.

როგორც ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორი თენგიზ ცერცვაძე ამბობს, ჯამში ინფექციურ საავადმყოფოში 4 პაციენტი იმყოფება, რომელბიც ამჟამად დაკვირვების ქვეშ არიან.

„ბოლო პაციენტი შემოყვანილ იქნა დღეს, რომელიც იმყოფებოდა ჩინეთში, მუშაობდა ქალაქ გუანჯოუში. ჩამოსვლისას მას აღენიშნებოდა ტემპერატურის მომატება. სულ ამჟამად ჩვენთან 4 პაციენტი იმყოფება დაკვირვების ქვეშ. მათგან ერთია ნამყოფი მხოლოდ უჰანში. ამ ოთხიდან ორის ზემო სასუნთქი გზებიდან აღებული მასალა გაგზავნილია ჰოლანდიაში, როტერდამში ახალ კორონავირუსზე გამოსაკვლევად, პასუხებს ველოდებით. ჩვენს საავადმყოფოში დაავადებათა კონტროლის ცენტრს, ლუგარის ლაბორატორიას ექნება უკვე სისტემები და ადგილზე შეგვეძლება კორონავირუსის დიაგნოზის დასმა“, - განაცხადა თენგიზ ცერცვაძემ.

ავტორი: ექსპრესნიუსი,

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს