„გაიმეორა რამდენჯერმე, რომ პროპორციული არჩევნები ჩვენ, კონკრეტულად „ნაციონალურმა მოძრაობამ“ დავადებინეთ ამ ხელისუფლებასო“, - ამის შესახებ პოლიტიკური პარტია „გირჩის“ ლიდერმა ზურა ჯაფარიძემ განაცხადა.

მისი თქმით, თუ გრიგოლ ვაშაძე საერთო საკონსულტაციო ფორმატში „ნაციონალური მოძრაობის“ აზრის გამხმოვანებელი იქნება, „გირჩი“ მასში მონაწილეობას აღარ მიიღებს.

„გუშინ, ეკა კვესიტაძის გადაცემაში ამ ადამიანმა გაიმეორა რამდენჯერმე, რომ პროპორციული არჩევნები ჩვენ, კონკრეტულად „ნაციონალურმა მოძრაობამ“ დავადებინეთ ამ ხელისუფლებასო. ყველას ძალიან დიდი მადლობაო, ახალგაზრდებს, იმას, ამას, მაგრამ კონკრეტულად ეს საქმე ჩვენი გაკეთებულიაო. ჩემი აზრით, ამ ადამიანთან საუბარი არ ღირს, ეს არის „გირჩის“ პოზიცია. ჩვენ გვაქვს ყოველდღიურ რეჟიმში კონსულტაციები ყველა პარტიასთან, მათ შორის „ნაციონალური მოძრაობის“ არაერთ ლიდერთან და ვსაუბრობთ არაერთ მნიშვნელოვან თემაზე, მათ შორის იმაზე, როგორ უნდა შევცვალოთ ეს ქვეყანა, როდესაც ივანიშვილი აღარ იქნება ხელისუფლებაში, მაგრამ კონკრეტულად ამ ადამიანთან საუბარს აღარ ვაპირებ. თუ ეს ადამიანი იქნება „ნაციონალური მოძრაობის“ აზრის გამხმოვანებელი საერთო საკონსულტაციო ფორმატში, ჩვენ იქ მონაწილეობას არ მივიღებთ“, - განაცხადა ზურა ჯაფარიძემ.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა