„სააკაშვილს ჩვეულებრივი კრიმინალური რეჟიმი ჰქონდა ჩამოყალიბებული და ამის შემადგენელი ნაწილი იყო მედიამონოპოლია“, - ამის შესახებ პარლამენტის ყოფილმა თავმჯდომარემ და საპარლმენტო უმრავლესობის წევრმა, ირაკლი კობახიძემ განაცხადა.

ირაკლი კობახიძის თქმით, სააკაშვილის მიერ გაკეთებულ კომენტარზე, სერიოზული პასუხის გაცემა შეუძლებელია.

„გახსოვთ, რომ კრიმინალური მეთოდებით მიიტაცა „რუსთავი 2“, შემდეგ მაროდიურული მეთოდებით მიიტაცა „იმედი“, მანამდე მიიტაცა საზოგადოებრივი მაუწყებელი, იყო სრული მედიამონოპოლია ხელისუფლების ქვეშ და ეს ადამიანი დღეს გვესაუბრება თავისუფალ მედიაზე, ამაზე სერიოზული კომენტარის გაკეთება არ შეიძლება. მას ჩვეულებრივი კრიმინალური რეჟიმი ჰქონდა ჩამოყალიბებული და ამის შემადგენელი ნაწილი იყო მედიამონოპოლია, რომელიც მან კრიმინალური მეთოდებით მიიტაცა“, – განაცხადა ირაკლი კობახიძემ.

შეგახსენებთ, რომ „მთავარ აქცენტებში“ ინტერვიუს დროს, საქართველოს ყოფილმა პრეზიდენტმა მიხეილ სააკაშვილმა განაცხადა, რომ მისი მმართველობის პერიოდში მედია ბევრად უფრო თავისუფალი იყო ვიდრე ახლა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მთავრობა ქვეყნის მასშტაბით რეგიონული ნაგავსაყრელების მშენებლობას გეგმავს

უკრაინული დრონების შემდეგ, ომსკის ოლქში ბენზინგასამართ სადგურებთან კილომეტრობით რიგები წარმოიქმნა

დიპლომატიის აკადემიის რექტორის თანამდებობაზე თამარ ბერუჩაშვილი დაინიშნა

გიორგი ბახუაშვილი ქართული ოცნების სუს-ის უფროსის მოადგილედ დაინიშნა