თემირლან მაჩალიკაშვილის საქმის გამოძიების და დასკვნის მიმართ მაქვს სრული ნდობა, - ამის შესახებ, თავდაცვისა და უშიშროების კომიტეტის თავმჯდომარე ირაკლი სესიაშვილმა ჟურნალისტებთან საუბრისას განაცხადა.

სესიაშვილის თქმით, ის ამ საკითხზე საგამოძიებო კომისიის შექმნას მხარს არ დაუჭერს.

„ვფიქრობ, რომ სახელმწიფომ ჩაატარა სრულფასოვანი გამოძიება. ბერი გაბრიელ სალოსის ქუჩაზე განვითარებულ მოვლენებთან დაკავშირებით მე მაქვს ამომწურავი ინფორმაცია და ყოველი დეტალი ჩემთვის ცნობილია. მათ შორის, ვინ რა ფორმით მონაწილეობდა და სახელმწიფოს რა რეაქცია ჰქონდა.

სახელმწიფომ ჩაატარა, ასევე, თემირლან მაჩალიკაშვილის საქმის გამოძიება და რაც შეეხება სახელმწიფოს გამოძიებას, მე მის მიმართ და ასევე დასკვნების მიმართ მაქვს სრული ნდობა“, - განაცხადა ირაკლი სესიაშვილმა.

შეგახსენებთ, რომ ადამიანის უფლებათა სწავლისა და მონიტორინგის ცენტრი თემირლან მაჩალიკაშვილის გამოძიების საქმესთან დაკავშირებით ითხოვს, საქმის საიდუმლო მასალების გაცნობის შემდეგ საგამოძიებო ექსპერიმენტის ჩატარებასა და სპეცრაზმელების ხელახალ გამოკითხვას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მთავრობა ქვეყნის მასშტაბით რეგიონული ნაგავსაყრელების მშენებლობას გეგმავს

უკრაინული დრონების შემდეგ, ომსკის ოლქში ბენზინგასამართ სადგურებთან კილომეტრობით რიგები წარმოიქმნა

დიპლომატიის აკადემიის რექტორის თანამდებობაზე თამარ ბერუჩაშვილი დაინიშნა

გიორგი ბახუაშვილი ქართული ოცნების სუს-ის უფროსის მოადგილედ დაინიშნა